UJENZI WA MIUNDO MBINU YA VIWANJA VYA MICHEZO UZINGATIE JINSIA.


 NA ASIA MWALIM 

KATIKA Nchi nyingi siku hizi miundo mbinu ya viawanja vya michezo huzingatia mambo mengi ikiwemo vyumba vya kubadilishia nguo wachezaji ili watu wa rika zote na jinsia tofauti waweze kuvitumia viwanja hivyo bila ya matatizo.

 

Kwa bahati mbaya hapa kwetu vigezo hivi havijapewa umuhimu unaostahiki kwenye viwanja vidogo vidogo na  vinavyotumika kwa ajili ya mazoezi na mechi za kirafiki.

 

Ni hali ya kusikitisha na hili kwa kiasi kikubwa imekua inachangia wanawake na wasichana kujiona wanatengwa na kudhalilishwa na kwamba wanakosa haki zao za kibinaadamu.

 

Zanzibar imebarikiwa viwanja vingi vya michezo mjini na vijijini lakini unapofuatilia kwa karibu utabaini miundo mbinu hiyo sio rafiki kwa watoto wa kike na mara nyengine huwa sababu ya vitendo vya udhalilishaji kwao.

 

WANAFUNZI WA KIKE

Ashura Omar Majaaliwa mwanafunzi wa darasa la nne skuli ya msingi Salim Turky, anasema anapenda michezo tofauti ingawa katika mazingira ya skuli  hiyo kuna kiwanja kimoja tu cha kucheza mchezo wa kikapu ambapo kiwanja hicho wanatumia wanafunzi  wa kiume kucheza mpira wakati wa mapumziko.

Anasema ni vyema viwanja vinavyojengwa skuli na nje ya skuli kuzingatia jinsia ili kuwa na mazingira wezeshi kwa wasichana wanapotaka kucheza, “Kukiwa na michezo mengine wanafunzi hulazimika kutoka nje ya skuli na kuomba kiwanja kilichopo pembezoni wa skuli ili kucheza mpira wa wavu au wa miguu jambo hili linawarudisha nyuma shauku ya wasichana na wavulana wa skuli hii kupenda na kuendeleza michezo” anasema.

Fatma Ali Chanzi msichana wa chuo kikuu ambae ni mshabiki na mpenzi wa michezo hasa mpira wa vikapu anasema viwanja vingi vya michezo sio rafiki kwa watoto wa kike na mara nyingine hulazimika kukatisha ndoto zao kutokana na mazingira ya wanayoyakuta vuiwanjani.

“Hakuna mzazi anaependa mtoto wake adhalilike, sifikirii kama kuna mzazi atakaeruhusu binti yake kuvaa nguo katika kiwanja cha mnazi mmoja au chengine chchote ambacho hakina sitara huku akiwa amezungukwa na wanaume pembeni, kwa sababu viwanja vinazungukwa na watu wengi na kila mmoja ana uhuru wa kuvitumia” anasema Fatma.

“Tunaona jamii yetu ilivyokosa imani kwa wachezaji wa kike, anapita mzazi anamkuta mtoto wa kike anabadilisha nguo katika mazingira yasiyo rafiki hawezi kukubali mtoto wake kuwa mchezaji, huo ndio ukweli”anafafanua.

VIONGOZI WA TIMU

Riziki Aboubakar Islah, mwalimu wa mpira wa miguu, anasema viwanja vingi havina mazingira rafiki kwa watoto wa kike ikiwemo kushindwa kupata nafasi ya kubadilisha nguo wakati wa kujiandaa na michezo na kulazimika kubadilisha nguo ndani ya viwanja.

“Sasa hivi mwandishi wa habari nikikwambia nenda kiwanja cha Mnazi Mmoja, kanitafutie sehemu ya vyumba vya kubadilisha nguo, huipati, lakini ni kiwanja,” anasema Riziki akiwa pembezoni ya uwanja huo.

Anasema hali hiyo huzifanya ndoto za watoto wa kike kuishia njiani na kwa vile wengi wao wanapenda kujistiri. “Unaweza ukatimiza ndoto za wasichana wengi kwenye kile kiwanja, mazingira ndiyo yanasababisha zile ndoto zao zife.”

Msichana anatoka nyumbani kwao amevalia vizuri, baibui na kila kitu chake, akifika sehemu ya michezo abadilishe [nguo], aingie mchezoni, afanye shughuli ya michezo, amalize, avae tena vizuri, [mazingira ya kuwezesha] hicho kitu hakuna,” anatoa ushuhuda mwalimu Riziki.

“Ili soka liweze kuwatoa wasichana kimaendeleo, miundo mbinu yenye mazingira rafiki kwa watoto wakike, na mengine mengi yanapaswa kubadilika kwanza.” anasema.

WADAU WA MICHEZO.

Hija Mohamed Ramadhani ni Mshauri wa masuala ya jinsia kwenye Mradi wa michezo na Maendeleo unaotekelezwa na Shirika la Maendeleo la Ujerumani amesema mradi huo unapanga kuboresha viwanja 7 vya michezo Visiwani Zanzibar maana Unguja na Pemba ili kutoa fursa za uhamasishaji wa michezo kwa wasichana na wanawake.

Ameishauri serikali pia iangalie jinsi ambavyo itasaidia kuwepo kwa viwanja vya michezo katika skuli”Ni vyema kuwepo kwa viwanja ili vipaji viwe na muendelezo na ushawishi katika jamii hivyo ni serikali iangalie hili wakati inapojenga na kufanya ukarabati kwenye skuli “Amemalizia Hija .

WANAHARAKATI

 

DK.Mzuri Issa Mkurugenzi Chama Cha Waandishi wa Habari Wanawake Tanzania upande wa Zanzibar  (TAMWA ZNZ) anasema ikiwa miundo mbinu ya viwanja vya michezo yatakuwa rafiki kwa watoto wa kike pamoja na kujengewa sehemu za kubadilisha nguo ili kujistiri matumaini makubwa ya kuibua vipaji vya wachezaji wanawake yatatimia.

 

“Sio rshisi kwa mzazi yeyote awe mjini au kijijini kumruhusu mtoto wake kwenda mahala hatarishi au pasipo salama, umefika wakati sasa kila mmoja kuona umuhimu wa kulisemea suala hili ili kuhamasisha wasichana kutimiza ndoto zao”anasema.

 

“vipaji vitaibuka kwa kwa kasi ikiwa miundo mbinu ya viwanja vya michezo vitakuwa na mazingira wezeshi kwa wanawake kujistiri, na kujiandaa kabla na baada ya kumaliza michezo, jambo ambalo kwa muda mrefu halipo”anasema.

 

WIZARA YA HABARI

Katibu Mkuu wa  Wizara ya Habari, Vijana Utamaduni na Michezo Fatma Hamad Rajab amesema seriali imeamua kujenga viwanja vya michezo vya kisasa ili kuondoa changamoto zinazojitokeza kawa wachezaji wa kike na kiume kwa upande wa Unguja na Pemba.

“Tunashuhudia kasi ya maendeleo inayofanywa na Dk.Hussein Ali Mwinyi, Rais wa Zanzibar na Mwenyekiti wa Baraza la Mapinduzi katika kuimarisha sekta ya michezo tunaamini changamoto hizo zitaondoka muda sio mrufu kwani viwanja viatkuwepo vya kutosha vikiwa na mazingira salama kwa wote”anasema.

Comments

Post a Comment

Popular posts from this blog

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MATUMAINI YA WANAWAKE KWENYE MICHEZO YANATEGEMEA MIFUMO SHIRIKIKISHI.

NA ASIA MWALIM MATUMAINI ya wanawake kwenye michezo yanategemea mifumo shirikishi ambayo yanawapa nafasi ya kushiriki kikamilifu, kujifunza na kukua kama wanamichezo “Huwezi kumwambia mgeni apite wakati mlango wa nyumba yako ukiwa umeufunga” Maneno yanapokua asilimia 90 lakini vitendo ni asilimia 0, hatuwezi kusema tuna mifumo Shirikishi ambayo inayowajumuisha wanawake katika maamuzi, mipango, na utekelezaji wa shughuli mbalimbali za michezo. Ni wakati sasa kwa wadau mbali mbali wa michezo na jamii kushirikiana katika kuweka mifumo shirikishi kwenye sekta ya michezo ili kufikia usawa wa jinsia kwenye michezo. Mifumo shirikishi inatoa matumaini makubwa kwa wanawake katika michezo kwa kuimarisha ushiriki wao, kutoa fursa za maendeleo, na kuboresha mazingira ya ushindani.  Kwa hivyo ni muhimu kuimarisha mifumo hii ili kuhakikisha kwamba wanawake wanaweza kufikia malengo yao katika ulimwengu wa michezo. WACHEZAJI WAKIKE Mchezaji Kidawa Kheri Hamad na kapteni wa timu ya mpira wa miguu y...
Read more

UHABA WA VITUO VYA POLISI WILAYA YA CHAKE CHAKE BADO MLIMA MREFU KUDHIBITI UHALIFU VITENDO VYA UDHALILISHAJI NA UVUNJIFU WA HAKI ZA BINAADAMU.

Image
NA  AMINA AHMED MOH’D - PEMBA  CHAKE Chake ni moja kati ya  wilaya mbilizi zinazopatikana katika  Mkoa wa Kusini Pemba  Zanzibar Tanzania.  Ambayo kwa mujibu wa sensa ya  mwaka 2012  ina idadi ya wakaazi 97,249 na anuani za makazi zikiwa ni   74200     Idadi Mpya  ya wakaazi wa Chake Chake   kwa takwimu za Sensa  ya watu na makazi  ya mwaka 2022 iliyotolewa hivi karibuni  bado hazijapokelewa katika ngazi za  wilaya   ni kutokana na takwimu hizo kuikiishia  katika ngazi za Mikoa pekee jambo ambalo limewia ugumu kupatikana  idadi mpya  ya wakazi wake wa sasa.     Chake Chake ina jumla ya shehia 32 ambazo wakaazi  wake hulazimika  kutumia kituo kimoja pekee  cha polisi  katika kuripoti  matukio mbali mbali.  Matukio hayo ni pamoja uhalifu, udhalilishaji wa kijinsia wazee wanawake na watoto, wizi wa mazao , mifu...
Read more