KUPASUKA BARABARA KUFANYIWA UTAFITI PEMBA
NA AMINA AHMED MOH’D, PEMBA. WIZARA ya Ujenzi Mawasiliano na Uchukuzi Zanzibar imesema itaendelea kuchukua hatua za dharura kuzifanyia marekebisho ya haraka barabara zote za kisiwani Pemba zilizoharibika kutokana na mvua zinazoendelea kunyesha ili kuwaondoshea Usumbufu wananchi wake. Waziri wa wizara hiyo Khalid Salum Mohamed ameyasema hayo huko Makombeni Darajani wilaya ya Mkoani alipokuwa akizungumza na kutoa ufafanuzi kwa kamati ya Mawasiliano Ardhi na nishati iliofika na kutembelea ujenzi wa barabara mbali mbali na kujionea mtengenezo kwa baadhi ya barabara zilizokatika kutokana na mvua ikiwemo barabara hiyo. Amesema kupasuka na kukatika kwa barabara nyingi kisiwani Pemba mara zinapopata mvua ni kutokana na aina ya udongo uliopo katika ardhi nyingi kisiwani humo jambo ambalo wizara linaendelea kuzifanya utafiti wa kitaalamu kujua chanzo has...