TAMWA YAWAASA WANAHARAKATI

NA ASIA MWALIM 

MJUMBE Wa Bodi kutoka Chama Cha Waandishi wa Habari Wanawake Tanzania (TAMWA-ZNZ) Mwatima Issa Rashid, amewataka wanaharakati kuzitumia siku 16 za kupinga udhalilishaji kuleta mabadiliko ya muda mrefu katika kujenga jamii yenye utu, heshima amani na utulivu nchini.

Alitoa wito huo katika maadhimisho ya kupinga siku 16 za udhalilishaji yalioandaliwa na TAMWA Zanzibar, kwa kushirikiana na Shirika la Maendeleo la Ujerumani (GIZ) hafla iliyofanyika ukumbi wa Bima, Mperani Mjini Unguja.

Alisema michango ya wanaharakati ina nafasi kubwa na inathaminika kusaidia mapambano ya vitendo vya udhalilishaji na unyanyasaji wa kijinsia nchini.

Aidha aliwataka wanaharakati kuitumia siku hiyo kupokea na kujadiliana mchango mbali mbali itakayowasilishwa ili kuwa chanzo cha kujenga ari mpya kuwavutia wengine kuungana nao kupinga vitendo hivyo.

Alisema kwa sasa TAMWA ina nafasi kubwa ya kupaisha sauti za wanawake na makundi mengine kwa kua mstari wa mbele kushajihisha na kutoa taaluma kupitia vyombo vya habari ili kufikia jamii kubwa na kwa wakati.

Mjumbe huyo alifahamisha kuwa serikali ya Jamuhuri ya Muungano wa Tanzania na Serikali ya Mapinduzi ya Zanzibar zinafanya jitihada mbali mbali kupinga vitendo vya udhalilishaji ni vyema wanaharakati kuendelea kuungana bila ya kuchoka kupinga vitendo hivyo.

Alieleza lengo la maadhimisho hayo ni kujenga jamii iliyohuru kuepukana na vitendo vya udhalilishaji na majanga mengine yanayochafua sifa na maadili yanayochafua maisha ya kila binaadamu.

Akiwasilisha ripoti Afisa Programu kutoka Mradi wa Michezo kwa Maendeleo (GIZ) Khairat Haji, alisema kwa mujibu wa takwimu kutoka ofisi ya Mtakwimu Mkuu wa Serikali, kutoka Januari hadi Oktoba 2024 jumla ya matukio ya udhalilishaji yaliotokea na kuripotiwa ni 1582 huku waathirika ni 1583.

Alisema kati ya idadi hiyo 1337 ni watoto ambapo wasichana ni 1095 na wavulana ni 242 ambao ni sawa na asilimia 84.4 ya waathirika wote.

Alieleza kuwa watoto wenye umri wa miaka 17 hadi 17 ni 693 ni sawa asilimia 52, ambapo wanawake watu wazima walioathirika 183 na wanaume watu wazima 63, huku wilaya ya Magharibi B ikiongoza kwa matukio ya udhalilishaji 386, ikifuatiwa na Mjini 344 na 373 magaharibi A.

Nayla Abdulbasit Omeyar, Hakimu wa Mkoa wa Kusini Unguja, alisema serikali imeweka juhudi ya kuweka midoli kwenye mahakama kuelewesha watoto ili waweze kujieleza na kutoa ushahidi kwa urahisi wanapokutwa na vitendo hivyo.

Baadhi ya wanaharakati waliohudhuria maadhimisho hayo, Shukuru Maloda, Sabah Bakari Hassan walisema ni vyema jamii kuona ukubwa wa tatizo hilo kwa kufanya mambo yatakayoleta mabadiliko  ikiwemo viongozi wa dini ili kuijenga jamii kiroho.

Akifunga maadhimisho hayo, Meneja Mawasiliano TAMWA Zanzibar, Sophia Ngalapi alizishauri taasisi mbali mbali za serikali na binafsi kuona haja ya kutoa elimu kwa wananchi kuhusu sheria kwani jamii kubwa haina uelewa wa kujitetea wanapokutwa na masuala ya udhalilishaji.

Kauli mbiu ya maadhimisho hayo ni "kuelekea 2030 tuungane kutafakari na kuchukua hatua kumaliza udhalilishaji dhidi ya wanawake Zanzibar".

Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more