UMUHIMU WA WAZAZI KUTOA FURSA KWA WATOTO WA KIKE KUSHIRIKI MICHEZO


NA ASIA MWALIM

LICHA ya vikwazo na changamoato zinazowakuta watoto wa kike katika michezo, kwa sasa Soka la wanawake linakuwa kwa kasi zaidi Tanzania ingawa hakuna takwimu rasmi.
Ulimwengu wa michezo ni mahali ambapo wanawake wanachukuliwa tofauti na wanaume.

Tofauti hii inaonekana ngazi zote na kuanzia wanariadha mashuhuri, wachezaji mpira wa vyuo vikuu, mashuleni hata wasichana wadogo wanaocheza majumbani.
Kwa mujibu wa jarida la mtandaoni la INSIDER mchezaji mwanamke wa soka kiulimwengu anaelipwa pesa nyingi ni mchezaji wa timu ya USWTT anaitwa Carli LIoyd, anaekadiriwa kupokea mshahara kiasi cha dola za kimarekani 518,000 kwa mwaka.

Mataifa ya Brazil na Seierra Leone hivi karibuni yametangaza kwamba malipo ya wachezaji wa soka wakike yawe sawa na wakiume.

Utamaduni wa wanawake kucheza mpira wa miguu umeanza kueleweka kwa wengine, ingawa bado kuna kundi kubwa halijaelewa jambo hilo.

Hali hiyo imefanya wanawake na wasichana hapa Zanzibar kujiuliza kwa nini wanaokosa usawa wa kijinsia katika michezo hali hiyo inatokana na nini? Je kuna umuhimu kwa wazazi kutoa fursa kwa watoto wa kike kushiriki michezo.
 
WATOTO WA KIKE
Sharifa Ali Maulid, 17 alisema alipokua mtoto alishiriki nyimbo na michezo wa nage sio mpira wa miguu lakini alipofika darasa la sita tu alisitisha michezo.

Alisema anajisikia kuumwa mara tu anapomaliza kucheza nage anahisi ni kutokana na kuengezeka uzito wa mwili wake.

Shaymaa Hassan Mwinyi alisema, hajawahi kushiriki mchezo wa mpira wa miguu ingawa anaupenda sana mchezo huo anapoona wanaume wanacheza.

Alisema anaishi na mama yake pekee lakini hajawahi kumshajihisha suala la michezo badala yake mdogo wake wa kiume ndio huambiwa mara kwa mara acheze mpira.

"Mara nyingi mama yangu humwambia mdogo wangu wa kiume mwenye miaka 6 akacheze mpira muda mwengine humlazimisha hasa lakini mimi hanihimizi kwenye michezo" alisema.

Zainab Abdallah Suleiman, mwanafunzi wa kidato cha tatu alisema ni vyema serikali kuweka somo la michezo katika skuli zote na sio kuwekwa skuli maalumu kwani wanafunzi wote wanahitaji fursa ya michezo.

WAZAZI
Talhiya Khamis Mwinyi, alisema Ligi ya soka la wanawake imeibua vipaji kadhaa ambavyo vimeonekana na kuonesha ishara ya mafanikio katika soka hilo kwa siku za usoni.

Alisema michezo haibaki kama kucheza tu pia kuimarisha afya kwani husaidia kujikinga na maradhi mbali mbali mbilini.
Aidha alisema mbali na kuwa watoto wanapenda michezo jitihada za wazazi zinahitajika kuhamasisha michezo kwa wanawake kwani si jambo walilozoeshwa katika tamaduni zao.

JAMII
Mustafa Khamis Khamis, alisema mila na desturi walizolelewa katika familia yao ndio kikwazo kikubwa cha wanawake kushiriki michezo.

Alisema baba yake mzazi alimshuhudia akimkataza dada yake kucheza mpira wa mikono jambo ambalo limewafanya 
Fatma Ali Chanzi, alisema wazazi wawaruhusu watoto wakike kwani nao wanatamani kuibua vipaji vyao, ili siku moja kuwakilisha timu za kitaifa na Kimataifa kupeperusha bendera ya Tanzania.
 
WALIMU WA MICHEZO
Kocha mkuu wa KMKM, Ame Msim alisema michezo kwa watoto inaongeza ufahamu kwenye masomo yao kwani hutulizanisha akili na kuipa uwezo mkubwa wa kufikiri masomo.

Alisema wanawake wengi wanaobahatika kupata fursa ya kushiriki michezo wanafanya vizuri viwanjani ingawa baadhi yao huishia njiani bila ya kujua sababu zinazowasitisha kucheza.

WANAHARAKATI
Haura Shamte Muandishi wa Habari mongwe na mtaalamu wa masuala ya kijinsia, alisema imefika wakati jamii kubadili mitazamo hasi juu ya suala la ushiriki wa wanawake katika michezo mbalimbali ili nao waweze kupata haki yao ya msingi ya kuchangamana kupitia michezo hiyo.

Alisema wasichana wengi wanashindwa kufikia ndoto zao kutokana na vikwazo mbalimbali ikiwemo vitendo vya ukatili katika michezo ambavyo hupelekea wazazi na jamii kuona michezo sio sehemu salama kwa wanawake.

Bi Haura alisema bado wazazi hawatoi nafasi sawa kwa wanawake na wasichana kushiriki katika fursa za michezo kutokana na hofu na mitazamo hasi iliyojengeka jambo linalopelekea kuwakosesha fursa mbalimbali zinazotokana na michezo ikiwemo afya, ajira na kipato.

Alieleza wasichana wengi wanashindwa kufikia ndoto zao kutokana na vikwazo mbalimbali ikiwemo vitendo vya ukatili katika michezo ambavyo hupelekea wazazi na jamii kuona michezo sio sehemu salama kwa wanawake.

“Bado hakuna idadi sawia ya wanawake wanaopata mamlaka katika tasnia ya michezo, ukatili na ujira mdogo kwa wanawake wanamichezo ni miongoni mwa sababu zinazoshusha hamasa kwa wasichana wengi kujihusisha na michezo.” alisema.

IDARA YA MICHEZO
Kamishna Idara ya Michezo Zanzibar, Ameir, alisema bado jamii haina muamko wa kuhamasisha michezo kwa mtoto wa kike kwani wanahisi ni kitendo kinachokwenda kinyume na maadili yao.

Alisema Idara hiyo imekua ikitoa fursa nyingi kupitia michezo, umefika wakati kushirikiana na watoto wao wa kike kwenye michezo ili wafaidike kwenye fursa hizo.

Alisema serikali ya Mapinduzi ya Zanzibar, kupitia Idara yake ya Michezo imekua iktoa fursa mbali mbali za kimaendeleo ikiwemo ajira, kushiriki mabonanza ndani na nje ya Zanzibar.

Sambamba na hayo alisema ipo haja kwa serikali kushirikiana na wadau mbali mbali kuelimisha jamii, wazazi umuhimu wa michezo ili kila mmoja kumruhusu mtoto wake bila ya kipingamizi chochote.
 
VIONGOZI WA SERIKALI
Katika hotuba zake za hivi karibuni Rais wa Zanzibar na Mwenyekiti wa Baraza la Mapinduzi DK.Huusein Ali Mwinyi alisemaserikali ya awamu ya nane imeelekeza nguvu zake katika michezo kwa kujenga viwanja vya michezo ili kila mmoja apate fursa ya kushiriki bila ya kujali jinsia zao.

Alibainisha kuwa anatambua michezo ni ajira, afyana ndio maana imeamua kujenga viwanja katika wilaya zote za Unguja na Pemba kwa lengo la kutoa fursa sawa kwa wanawake na wanaume kwenye sekta hiyo.
Katika uongozi wa Dk.Mwinyi michezo ni miongoni mwa vipaumbele vyake  akiamini michezo inaongeza ufahamu kwa wanafunzi kufanya vizuri kwenye masomo yao pia kuimarisha afya ili kuondosha maradhi mbali mbali.

SHERIA
Katiba ya Zanzibar ya mwaka 1984 kifungu cha 12(1) kinaeleza kuwa watu ni sawa mbele ya sheria na wana haki ya kushiriki na kushirikishwa bila ya ubaguzi wowote, kulindwa na kupatiwa haki sawa. 

Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more