WANANCHI KISIWA CHA KOJANI WALILIA KUKOSA MADAKTARI KITUO CHAO CHA AFYA

Na - AMINA AHMED, PEMBA.
AKINA MAMA KATIKA KISIWA CHA Kojani mkoa wa Kaskazini Pemba wameiomba serikali ya mkoa kuwasaidia kulipatia ufumbuzi suala la  uhaba wa madakatari pamoja na wauguzi katika kituo chao cha Afya ili kuweza kuondokana na usumbufu wanaokutana nao  hususan ni mama  wajawazito.

Wametoa ombi hilo walipokuwa wakizungumza  mbele ya kamati ya ulinzi na usalama ya mkoa  huo uliofika kisiwani humo kusikiliza changamoto zinazowakabili  wananchi  ndani ya kisiwa hicho mapema leo.

Wamesema  kituo cha afya ndani ya kisiwa hicho kina daktari mmoja ambae  wakati mwengine  kushindwa kutoa huduma kwa baadhi ya kesi za matibabu zinazofika kituoni humo huku akilazimika kutoa huduma kwa wagonjwa zaidi ya 80 kwa siku .

Aidha wameomba kupatiwa ufumbuzi wa changamoto  ya kukosa  maji  safi katika baadhi ya maeneo iliyokosekana kutokana na  kuharibika kwa muda mrefu tangi lilikokuwa likisambazia maji katika maeneo mbali mbali ya vijiji hivyo  .

Katika hatua nyengine wananchi hao wameiomba serikali ya mkoa kuwasaidia kudhibiti mmonyoko wa maadili  kwa kuridhia sheria zitakazowekwa na kamati ya maadili kisiwani humo  .
  RC - KASKAZINI  ,SALAMA MBAROUK KHATIB.
Kwa upande wake mwenyekiti wa kamati ya ulinzi na usalama mkoa wa Kaskazini Pemba ambae pia ni mkuu wa mkoa huo  Salama Mbarouk   Khatib  amesema kuwa ataendelea kulifanyia kazi suala hilo kwa kulifikisha kwa uongozi wa wizara ya afya ili kuona linapatiwa ufumbuzi wa haraka na uongozi wa wizara ya afya  kwa maslahi ya wananchi.

Aidha amewataka akina mama wa kisiwa hicho  kujifungulia hospitali sambamba na kuhudhuria kliniki wakati wa ujauzito  ili kuepusha athari zinazoweza kujitokeza endapo watajifungulia majumbani  mwao.

Akijibu kuhusu changamoto ya upatikanaji wa huduma  ya maji safi na salama mkuu huyo aliwahakikishia wananchi hao kuwa suala  hilo litapatiwa ufumbuzi  siku ya jumamosi ni baada ya kuzungumza hadharani kwa njia ya simu  uongozi wa mamlaka ya maji Zanzibar zawa na kutoa ahadi hiyo.

  Aidha akizungumzia suala la maadili mwenyekiti huyo amewataka wazazi kusimamia na kufuatilia mienendo ya vijana na watoto ili kuwaepusha kujiingiza katika vitendo viouvu.

 Katika hatua nyengine  Rc Salama ameagiza kukatwa nywele  kwa vijana wakiume  wanaofuga na kusokota  rasta, kuvaa nguo za kubana na kuzishusha suruali zao sambamba na kuwataka kuacha mara moja tabia hizo ambapo amesema pia uongozi wa mkoa utawashughulikia ipasavyo  
 ili kurudisha nidhamu ya maadili.


 Hata hivyo akina mama hao wamemshukuru Rais wa Zanzibar  Dk Hussein Ali Mwiny kwa kuendelea kuleta mageuzi makubwa ya kkimaendeleo ndani ya mkoa hu ikimo kisiwa cha kojani.
Mwisho.

Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more