KOJANI WATOA 5 KWA DK MWINYI




NA, AMINA AHMED MOH'D- PEMBA.


      JENGO LA KISASA SKULI YA MSINGI KOJANI
    MUONEKANO WA NJE JENGO LA SKULI MPYA KOJANI,  PICHA NA AMINA AHMED.
WAKAZI wa  wilaya ndogo Kojani wilaya ya Wete mkoa wa kaskazini Pemba wamempongeza rais wa Zanzibar Dk Hussein Ali Mwinyi kwa kuendelea kuimarisha sekta ya elimu  ambapo wamesema  hatua za mwisho za ujenzi wa skuli ya kisasa  inayoendelea kujengwa kisiwani humo itasaidia kuleta maendeleo katika nyanja tofauti.

Wametoa shukrani hizo walipokuwawakizungumza na habari hizi kufuatia ziara maalum ya kukagua miradi ya maendeleo wilaya ya Wete iliyoandaliwa na  viongozi wa baraza la vijana Zanzibar ,iliyowakutanisha viongozi wa mabaraza hayo Unguja na Pemba mapema leo .
  Wamesema kuwa juhudi  za kusogeza maendeleo zaidi zinazofanywa na Dk Mwinyi ndani ya kisiwa hicho ikiwemo miundo mbinu bora ya elimu itasaidia kuendeleza na kuibua  vipaji  na vipawa katika fani mbali mbali ambavyo vitaendeleza kisiwa hicho.

Wamesema maendeleo hayo yamekuwa faraja kubwa  kwa wakaazi na wazawa wa kisiwa hicho  ambapo wameona kukuwa na kubadilika kimaendeleo  katika kipindi cha muda mfupi.

"Muonekano wa kisiwa cha kojani umebadilika umekuwa  mzuri yaani mandahari  imebadilika tumejengewa majengo haya ya skuli za kisasa ya ghorofa 

"Rais wetu katufanyia kitu ambacho  ni kikubwa sana  ndani ya kisiwa hichi hatujawahi kufikiria kama kuna siku tutakuwa na skuli za kisasa,uwekezaji huu uliofanywa kwa moyo wa upendo kutoka kwa kiongozi huyu umetupa imani kubwa sana   hatujui tueleze vipi furaha yetu kwa hili naamini watoto wetu watasoma katika mazingira mazuri  bila ya usumbufu ule wa kuvuka na kurudi "

"Tutaweza kutoa vipawa mbali mbali hapa ,madaktari,waalimu, wavuvi wa kisasa ,wafanya  biashara wazuri,ambao wao watakuwa msaada katika kuendeleza zaidi maendeleo ndani ya kisiwa chetu lakini pia sehemu tofauti ndani ya taifa letu"Alisema Hamida Mussa Shabani mkazi wa Kisiwa cha  Kojani.

Kojani kwa ujumla tumefarijika sana sana sana kwa,hatujaona mfano bora  kama wewe mwenyezimungu akulinde ampe maisha marefu ili kizazi chetu cha sasa na kitakachokuja kifaidike na  jengo hili na mengine   ,kiukweli umekuwa ni mfano bora kwa wakojani kutujwngea jengo la pili la ghorofa  tunaiomba wizara kuziendeleza jitihada hizi kwa kutuwekea boding  ili watoto wetu waweze kusoma kwa uzuri na utulivu zaidi muda wote bila kuenda sehemu nyengine"
Aliongeza  Bikombo Chumu Hamad  .

Kwa  Upande wake Mwalimu Mkuu skuli ya Kojani Msingi B,  Asaa Nshazume Sheha amesema kuwa kabla ya jengo hilo  wanafunzi ndani ya kisiwa hicho walikabiliwa na changamoto ya kubwa ya idadi ya wanafunzi na uchache wa nafasi za kusomea katika madarasa .
  ASAA NSHAZUME SHEHA, M/MKUU KOJANI                                 MSINGI.
"Tunaamini siku chache zijazo changamoto kwa wanafunzi wa skuli za msingi  Kojani zitaondoka ,mpka saivi tuko wanafunzi 2008 ambao tunalazimika kugawa shifti mbili kwa sasa  tunaamini hili litakwenda kuondoka hivi karibuni".

Nae Kwa upande wake Hamad Ali Bwakame Sheha wa shehia ya Kojani  amesema kuwa   kitendo cha Dk Mwinyi kukiangalia kwa ukaribu zaidi kisiwa hicho katika kusogeza maendeleo  kimeongeza imani zaidi kwa wananchi juu ya uongozi wake, ambapo amewataka wananchi ndani ya kisiwa hicho kuendelea kutunza  na kuyalinda majengo hayo ili yaweze kutumika kwa  muda mrefu mara yatakapoanza kutumiwa .

 
Ujenzi wa skuli hiyo ni utekelezaji wa  ahadi ya rais Dk Hussein Ali Mwinyi aliyoiahidi kwa wananchi  wa kisiwa hicho  cha Kojani  tarehe 22/7/2022  kuwajengea  skuli ya  msingi ya kisasa ambayo itaondoa changamoto ya mrundikano wa wanafunzi madarasani na kuondoa utaraibu wa kuingia mikumbo miwili wanafunzi wa skuli ya msingi   ambapo jengo hilo lililokamilika ujenzi wake kwa asilimia 99  lina jumla ya vyumba 32 .

Mwisho.



  

Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more