GOMBANI FITNESS KUJA NA BONANZA MAALUM KUHAMASISHA USAWA WA KIJINSIA .

NA HANIFA SALIM, PEMBA 

KLABU ya mazoezi Gombani (Gombani Fitness Club) katika kuelekea kilele cha maadhimisho ya miaka 10 ya klabu hiyo, imeandaa bonanza la michezo kwa lengo la kuhamasisha masuala ya michezo kwa jamii kwa kuzingatia usawa wa kijinsia. 


Akisoma taarifa kuhusu maadhimisho hayo katika mkutano wa waandishi wa habari Kisiwani Pemba, huko ukumbi wa (TAMWA) Mkanjuni Chake chake, Katibu wa Klabu hiyo Khalfan Amour Mohamed alisema, bonanza hilo litahamasisha ushiriki wa wanawake katika mazoezi.


"Bonanza hilo linatarajiwa kuchezwa michezo ya aina tatu ikiwemo mbio za magunia, mazoezi ya viungo na mchezo wa kuvuta kamba, kuanzia Julai 20 hadi Julai 28 mwaka huu, viongozi wa serikali na taasisi watashiriki matembezi kuanzia Madungu hadi uwanja wa michezo Gombani", alisema. 


Alieleza, kuelekea shamra shamra za kilele cha maadhimisho hayo, waandaaji wa bonanza hilo watapita skuli na katika shehia mbali mbali kuhamasisha usawa wa kijinsia katika michezo pamoja na kuwafundisha wanafunzi kujikinga na ukatili wa kijinsia GBV.


Aidha alisema, kuanzishwa kwa klabu hiyo mafanikio mengi yamepatikana ikiwemo kuimarika kwa afya za wanaklabu, lakini wanakabiliwa na changamoto ikiwemo kutokuwepo miondombinu rafiki ya kufanyia mazoezi Kisiwani Pemba hususani kwa wanawake. 


Kwa upande wake, Mratibu wa chama cha waandishi wa habari wanawake Tanzania (TAMWA) Pemba Mussa Said, aliwaomba wananchi kujitokeza kwa wingi siku ya maadhimisho hayo kwa lengo la kuunga mkono taasisi hizo pamoja na kuacha dhana potofu ya kwamba michezo ni uhuni.


"(TAMWA) Zanzibar kwa kushirikiana na Gombani fitness Clabu pamoja na wenzetu wa shirika la Bima tumeandaa bonanza la michezo kwa lengo la kuhamasisha masuala ya michezo kwa kuzingatia usawa wa kijinsia", alisema. 


Akizungumza kwa niaba ya Meneja wa shirika la Bima Zanzibar ofisi ya Pemba Khatib Bakar alisema, lengo la Bima ni kumrejesha mtu katika hali yake hivyo, aliwashauri wanamichezo kukata bima ambazo zitawarejesha pale ambapo walikua kabla ya kupata majanga.


Jumla ya washiriki 500 kutoka maeneo mbali mbali ikiwemo Pemba, Unguja na Tanga wanatarajiwa kushiriki katika maadhimisho hayo ambapo kauli mbiu ya mwaka huu ni "WEKEZA KATIKA MAZOEZI NA MICHEZO KWA JINSIA ZOTE".


                         MWISHO.

Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more