BONANZA LA AINA YAKE KUFANYIKA PEMBA SHAMRA SHAMRA KUANZA KESHO .

NA AMINA AHMED,PEMBA.
 CLUB ya mazoezi ya viungo Gombani fitness kwa kushirikiana na Chama cha waandishi wa habari wanawake Tanzania Tamwa Zanzibar pamoja na shirika la Bima Zanzibar  ZIC wameandaa bonanza  la michezo na mazoezi kisiwani Pemba litakaloanza  shamra shamra zake kuanzia kesho tarehe 20   na kufikia kilele siku ya tarehe 28 Mwezi huu kwa kufanyika matembezi ambapo  zaidi ya washiriki 500 kutoka  nje ya kisiwa cha Pemba wanatarajiwa kushiriki katika bonanza hilo.
     KHALFAN AMOUR, MRATIBU WA BONANZA .

Akizungumza Mratibu wa Bonanza hilo KHalfan Amour Muhamed  ambae pia ni katibu wa Gombani fitness amesema kuwa lengo Bonanza hilo   litakaloanza  na matembezi kutoka  Madungu  hadi uwanja wa  Gombani   kuanzia saa 12 za asubuhi ni  kusaidia kuhamasisha ushiriki wa  wanawake na wasichana  kwa  kushirikisha na kukuza usawa wa kijinsia katika  michezo ya aina mbali mbali   kwa wanawake kisiwani humo .

Amesema Club hiyo kwa kutambua juhudi zinazofanywa na wadau wa michezo kwa wanawake wameona kuna umuhimu mkubwa  wa kulitumia bonanza hilo la miaka kumi kuunga mkono na kuhamasisha kukuza usawa wa kijinsia katika michezo kwa kuwashirikisha viongozi mbali mbali wa serikali  taasisi binafsi pamoja na wananchi   kutoka maeneo tofauti.

Aidha mratibu huyo amesema kuwa  jumla ya michezo mitatu inatarajiwa kuchezwa katika   siku ya kilele cha maadhimisho hayo ambayo ni pamoja na mchezo wa mbio za magunia ,mchezo wa kuvuta kamba pamoja na mchezo wa mazoezi  ya viungo ambayo itashirikisha jinsia zote katika kuonesha vipaji vyao walivyo navyo.

Akizungumzia kuhusu shamra shamra  zitakazoanza kesho mratibu huyo amesema kuwa waandaaji wa bonanza hilo wamedhamiria kupita katika maeneo mbali mbali kutoa elimu kwa jamii, na kuhamasisha usawa wa kijinsia  katika mazoezi na  michezo,sambamba na kutoa elimu juu ya kujikinga na vitendo vya ukatili wa kijinsia kwa wanafunzi na wasichana kupitia  mbinu mbali mbali za michezo.


Kwa upande wake mratibu wa Tamwa Pemba Fat-hiya  Mussa Said amesema kuwa lengo la chama hicho  kuunga mkono juhudi  za club hiyo katika maadhimisho ya kutimiza miaka 10  ni kusaidia kuongeza uelewa kwa jamii juu ya  umuhimu wa michezo kwa maendeleo.
   FAT-HIYA  MUSSA ,MRATIBU TAMWA PEMBA.
Aidha amewataka wananchi maeneo mbali mbali kujitokeza kushiriki na kuangalia  k michezo ya vol ball,basket ball pamoja na mpira wa miguu  itakayozikutanisha timu mbali mbali za wanawake pamoja na wanafunzi  itachezwa katika viwanja tofauti  kufuatia shamra shamra za bonanza hilo .

Akizungumza kwa niaba ya Meneja wa shirika la Bima Zanzibar ofisi ya Pemba Khatib Bakar alisema, lengo la Bima ni kumrejesha mtu katika hali yake hivyo, aliwashauri wanamichezo kukata bima ambazo zitawarejesha pale ambapo walikua kabla ya kupata majanga.
        KHATIB  BAKAR, ZIC PEMBA.

  Kupitia  Bonanza hilo  ambalo limebeba kauli mbiu ya  "WEKEZA KATIKA MAZOEZI NA MICHEZO KWA JINSIA ZOTE" huduma za kujiunga na bima  za majanga mbali mbali pamoja na elimu juu ya  bima zinazotolewa na   ZIC zitatolewa.


Mwisho







Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more