PEMBA PRESS CLUB YAADHIMISHA SIKU YA UHURU WA VYOMBO VYA HABARI MATTAR AWATOA HOFU AAHIDI MASHIRIKIANO ZAIDI KWA WAANDISHI.

NA , AMINA AHMED  MOH'D- PEMBA.

UONGOZI wa Mkoa Kusini Pemba umesema utaendelea kutoa mashirikiano kwa waandishi wa habari kisiwani humo ili kuweza kurahisisha utendaji wa  kazi zao za kila siku na kuleta mabadiliko katika jamii juu ya mambo mbali mbali.

Kauli hiyo imetolewa  na mkuu  wa  mkoa huo  Mattar Zahor Massoud  alipokuwa akifungua mkutano maalum wa maadhimisho ya siku ya uhuru wa vyombo vya habari uliandaliwa  na Club ya waandishi wa Habari Pemba  ( PPC )  uliofanyika katika ukumbi wa Samail Gombani Chake Chake mapema leo .

Amesema  maelezo na ufafanuzi juu ya mambo mbali mbali  yanayohusu maendeleo ya wananchi yanaweza kufikiwa  iwapo waandishi wenyewe kisiwani humo watakuwa tayari kuitumia fursa hiyo ya mashirikiano  katika kutafuta taarifa kutoka kwa vyanzo sahihi .

Aidha  mkuu huyo akaitumia nafasi hiyo kuwataka waandishi wa habari  kuandika habari zitakazoelimisha jamii juu ya kuhifadhi mazingira kwa nadharia ya kutunza urithi wa kijani  sambamba na habari zitakazobadilisha jamii juu ya suala hilo  katika hatua za awali.

 Mattar akatumia fursa hiyo pia kuwaasa waandishi wa habari kisiwani humo  kujiendeleza zaidi kielimu  ili kujiongezea fursa na maarifa katika kutenda kazi ya habari kwa ufanisi na uweledi.

Amesema iwapo waandishi wataendelea kuongeza ujuzi katika taaluma hiyo kutasaidia jamii kuweza kuwatofautisha waandishi wenye uweledi na makanjanja wanaovamia  tasnia hiyo na kuwaharibia sifa zao kwa kukiuka maadili ya habari.

Kwa upande wake Afisa mdhamini wa  wizara  ya habari  Pemba Mfamau Lali Mfamau  amewataka waandishi wa  habari  hao ambao ni wanachama wa Pemba Press Club kuendelea kusimamia nidhamu  na kutojihusisha kuwa sehemu ya kuvunja nidhamu zilizowekwa na taasisi zinazosimamia  tasnia hiyo.

Akizungumza  Katika Mkutano wa maadhimisho hayo yaliobeba  ujumbe wa Uandishi wa habari kwa Mabadiliko ya Tabia ya nchi Mwenyekiti wa Pemba Press Club PPC  Bakar Mussa Juma amesema  wanachama wa  club hiyo wataendelea kushirikiana na taasisi yeyote katika  kuleta maendeleo kwa wananchi juu ya mambo mbali mbali.


 Tamati ya maadhimisho hayo mwaka huu  wanachama wa club  hiyo wanatarajiwa  kupanda miti katika eneo la Kambini kichokochwe ikiwa ni sehemu ya kuunga mkono  utunzaji wa mazingira  na kukabiliana na mabadiliko ya Tabia ya nchi.


Mwisho.








Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more