WANAWAKE WENYE ULEMAVU WATAKA NAFASI ZA MAJIMBO.



NA ASIA MWALIM

WANAWAKE wenye ulemavu wa aina tofauti wameeleza namna wanavyotamani kuipata haki yao ya kuwa viongozi kupitia nafasi za majimbo, jambo ambalo bado ni changamoto kwao. 

Walisema kundi hilo sio rahisi kupata nafasi za kuongoza majimboni badala yake kuna makundi yaliyozoeleka kushika nafasi hizo kwenye Majimbo hapa visiwani Zanzibar.

Jamila Borafya, Mwanachama wa Chama Cha Mapinduzi (CCM) alisema kundi hilo lina uwezo wa kuogoza nafasi yoyote ile ikiwemo ya uwakilishi au ubunge huko majimboni, sio tu nafasi za viti maalumu.

"Nafasi tunazozitaka za majimboni, sio za viti maalumu pekee, tunataka kuongoza kwani uwezo na uzoefu tunao wakutosha" alisema.

Alisema ifike wakati wagombea wenye ulemavu wanapojitokeza na kufikia asilimia sawa na makundi mengine, basi wapewe kipaumbele wanawake na zaidi kuzingatia watu wenye ulemavu.

Alisema changamoto kubwa ni kutoka kwa vyama vya siasa ambavyo havijaona umuhimu wa kundi hilo kuwasimamisha majimboni ili kuchaguliwa na wananchi. 

"Vyama vya siasa bado havijaona umuhimu wa kusimaisha watu wenye ulemavu majimboni, hili linatuumiza sana tunataka usawa wenye hadhi sawa ndani ya vyama vyetu kupitia nafasi za kuchaguliwa na wananchi" alisema.

Aisha Ali Abdallah, kutoka Jumuiya Wasioona Zanzibar (ZANAB) wilaya ya Chake chake Pemba, alisema ushiriki wao katika kugombea nafasi za uongozi ni mzuri, wanajitolea lakini bado vyama vya siasa vinawabana kuwapa nafasi.

"Binafsi nilishiriki kugombea nafasi ya uwakilishi katika uchaguzi mkuu wa mwaka 2020, sikupata hiyo nafasi wala hakuna linalotendeka" alisema.

Kikwazo kimoja wapo ni vyama vya siasa kushindwa kuona umuhimu wa kundi hilo na kuwapa kipaumbele hadi sasa, hakuna kiongozi mwenye ulemavu upande wa Pemba, hivyo kuwapa changamoto ya kutatua matatizo yao kwa wakati.

Adil Mohammed Ally, Mratibu Jumuiya ya Wasioona Zanzibar (ZANAB), alisema watu wenye ulemavu wana himili kuongoza nafasi za majimbo, ipo haja kwa vyama vya siasa kuzingatia watu wenye ulemavu kugombea nafasi hizo, ili nao kupata haki yao ya kikatiba.

Aliomba Tume ya uchaguzi ya Zanzibar (ZEC) kuweka sheria madhubuti na msisitizo maalumu kwa vyama vya siasa ili kupewa kipaumbele kundi hilo pale watakapojitokeza kwenye majimbo.

Hata hivyo aliwataka watu wenye ulemavu kujitokeza kwa wingi majimboni 2025, kwani jamii imebadilika na baadhi ya maeneo tayari yamerekebishwa ikiwemo mifumo wa kupiga kura kwa watu wenye ulemavu.

Mwantatu Mbarouk Khamis, Kiongozi mwenye ulemavu Baraza la wawakilishi, alieleza haja ya viongozi wa vyama vya siasa kuwaunga mkono watu wenye ulemavu kwa kuwapatia nafasi za majimboni ili kuengeza idadi yao ndani ya vyombo vya kutolea maamuzi.

Aliongeza kuwa Katika baraza la wawakilishi kuna viongozi watatu tu, ambao wote wamepata nafasi za viti maalumu na sio kupitia uchaguzi wa majimbo, jambo ambalo linawakosesha fursa sawa.

Alisema nafasi zote tatu zimetoka kupitia Chama Cha Mapinduzi CCM, ni jambo la kuigwa na vyama vyengine ili kuunga mkono kundi hilo kuonesha uwezo wao.

"Mwanamke hasa mwenyewe ulemavu anauchungu wa kusaidia jamii yake kupata maendeleo, hakuna sababu ya kuweka matabaka kupata nafasi za majimbo kati yetu, sote ni viumbe hatujakamilika, kila mtu ni mlemevu mtarajiwa" alisema.

Kwa mujibu wa ripoti ya viashiria muhimu vya kijamii, uchumi na mazingira kutokana na matokeo ya, sensa ya watu na makaazi mwaka 2022, ngazi ya mkoa inaonesha kuwa Zanzibar, watu wenye ulemavu kuanzia umri wa  miaka 7 na kuendelea, ni watu 114 kwa kila 1000 .
 
Ripoti hiyo inaonesha idadi ya watu wenye ulemavu imeongezeka kwa watu 39 kwa kila 1,000  kati ya sensa ya mwaka 2012 na sensa ya 2022.

Sheria zilizopo zinaeleza kuwa watu wenye ulemavu wanahaki ya kuchagua na kuchaguliwa kama watu wengine, hakuna sababu ya kunyimwa nafasi kwenye nafasi za maamuzi na uongozi.

Kwa mfano katiba ya Zanzibar ya mwaka 1984, katika kifungu 21(2) kila mzanzibari anayo haki na uhuru wa kushiriki kwa ukamilifu katika kufikia uamuzi juu ya mambo yanayomuhusu na yanayohusu taifa lake na kupata nafasi.
 
Katiba hiyo katika marekebisho ya 2010 imeeleza wazi kuwa katika kifungu nambari 67 (1) kuwa kutakuwa na wajumbe wa baraza la wawakilishi wanawake kwa idadi ya asilimia 40 wa wajumbe wote wa kuchaguliwa katika majimbo.

Takwimu za umoja wa Mataifa zinaonesha kuwa takriban asilimia 15 ya watu wote duniani ambao ni zaidi ya watu Bilioni moja ni wenye ulemavu, wengi wao wakiwa ni wanawake.

MWISHO

Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more