MJUMBE KAMATI KUU YA HALMASHAURI KUU YA CCM AWAASA KUACHA MAMBO HAYA WANACHAMA

 Na Mwandiahi Wetu  (OMPR), UNGUJA 

MJUMBE wa Kamati Kuu ya Halmashauri Kuu ya CCM Taifa Ndugu Hemed Suleiman Abdulla amewataka wanachama wa Chama Cha Mapinduzi kuachana na watu ambao wanawabeza viongozi kwa kuwakashifu na kuwasema vibaya juu ya jitihada zao wanazozichukua za kuwaletea maendeleo wananchi.

Ameyaeleza hayo wakati akizungumza na viongozi, wanachama wa CCM na wananchi wa Majimbo ya Chaani, Mkwajuni na  Tumbatu Wilaya ya Kaskazini A ikiwa ni muendelezo wa ziara yake ya kuimarisha Chama Cha Mapinduzi Mkoa wa Kaskazini Unguja. 

Amesema wapo baadhi ya Viongozi wa Vyama vya upinzani ambao wana malengo ya kukichafua chama na viongozi wake hivyo ni vyema kwa wana CCM kuwapuuza na kuendelea kuwa wamoja na kukiimarisha Chama kwa lengo la kuwaletea wananchi maendeleo.

Amesema majimbo yaliyomo ndani ya Mkoa wa Kaskazini Unguja yatabaki kuwa ni ngome ya CCM na hatotokea mpinzani yoyote kuongoza katika Majimbo hayo hivyo umoja, upendo na mshikamano ndivyo vitakavyokiletea Chama Cha Mapinduzi ushindi wa kishindo katika Uchaguzi wa Dola ifikapo mwaka 2025.

Aidha amefahamisha kuwa, Viongozi wa Majimbo wanafanya kazi kubwa za kimaendeleo na kuitekeleza vyema Ilani ya CCM, hivyo ni busara kuachana na makundi, Majungu na Mifarakano ndani ya chama ili kutowapa mwanya wapinzani wa kujiegemeza katika ngome za CCM.

Kwa upande wake Mwenyekiti wa Chama Cha Mapinduzi Wilaya ya Kaskazini "A" Ndugu Ali Makame Khamis Ameipongeza Serikali ya Mapinduzi ya Zanzibar kwa Awamu zote kwa kusimamia Misingi ya Mapinduzi ya Zanzibar pamoja na Muungano wa Tanzania.

Awali Mjumbe huyo wa Kamati Kuu ya Halmashauri Kuu ya CCM Taifa ambae pia ni Makamu wa Pili wa Rais wa Zanzibar Mhe. Hemed Suleiman Abdulla alikabidhi kwa Mwenyekiti wa Jimbo la Chaani vifaa vya ujenzi ikiwemo matofali 200, saruji mifuko 100, gari 10 za mawe, gari 2 za kifusi na mchanga gari moja vilivyotolewa na Mwakilishi wa Jimbo la Chaani Mhe. Nadir Abdullatif kwa ajili ya ujenzi wa Tawi la CCM Pwani Mchangani B na Ujenzi wa Kituo cha Afya Kandwi.

Akikabidhi vifaa hivyo Mhe. Hemed  amewataka viongozi kuvitumia vifaa hivyo kama ilivyokusudiwa na hatafumbiwa macho yoyote Yule atakaevitumia vifaa hivyo kinyume na ilivyokusudiwa.

Mhe.Hemed amefurahishwa na hatua za kimaendelea zilizotekelezwa na Viongozi wa Majimbo ya Mkoa wa kaskazini Unguja kwa kuitekeleza kwa vitendo ilani ya CCM. 

Nao viongozi wa Majimbo ya Chaani, Mkwajuni na Tumbatu wamemuahidi Mjumbe wa Kamati Kuu ya Halmashauri Kuu ya CCM kuwa CCM haihitaji kutumia nguvu kubwa katika kuomba kura  mwaka 2025 kutokana na misingi imara ya kuwatumikia wananchi.

Wamesema Chama cha Mapinduzi Mkoa wa Kaskazini Unguja kimejipanga kimkakati  kuhakikisha wananchi wanakipigia kura  Chama Cha Mapinduzi ili kuendelea kukiweka madarakani Chama hicho ifikapo mwaka 2025 .

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more