MWENYEKITI UVCCM JIMBO LA MALINDI, KIJANA MDOGO MWENYE NIA YA KUSAIDIA WANAWAKE WENZAKE KUPITIA MAJUKWAA YA KISIASA


Na- Massoud Juma, Unguja


  KHAYAM  Musatafa Yakuti bado anaendelea kuwashangaza na kuwastaajabisha wengi kutokana na kuwa na umri mdogo lakini kwa kuwa na uelewa, uthubutu na uhodari wa kujenga hoja katika mada tofauti za kimaendeleo hususani katika masuala ya siasa hapa Zanzibar.


Kwa sasa Khayam ana umri wa miaka 23 tu, lakini tayari ameshapata uzoefu wa uongozi tokea ana umri wa miaka nane, mwenyewe anasema alianza kuingia katika mabaraza ya watoto ndani ya shehia, baadae wilaya na hatimae kushika nafasi ya makamu mwenyekiti wa baraza la watoto la Tanzania. 

Kama yalivyo malengo ya mabaraza hayo, kumjenga mtoto kuwa na uthubutu na kujiamini, hilo lilifanikiwa sana kwa Khayam, kwani katika harakati za baraza hili za kulinda na kutetea haki za watoto yeye alijifunza mengi na hatimae kuingia katika siasa ili aweze kutumia majukwaa ya siasa kutetea na kulinda haki za wanawake, vijana na watoto.

Kwa sasa Khayam ni mwenyekiti wa UVCCM katika jimbo la Mlindi, na uongozi wake unasifiwa sana kama amesaidia kuonekana nguvu ya vijana na chama katika jimbo hilo.

Ndugu Abdulhamid Mvita ni Mwenyekiti UVCCM wadi ya Kwaalinatu anamzungumzia Khayam kama kijana wa kike shupavu na mwenye maono makubwa katika kukiletea chama chao maendeleo, maendelo ya vijana lakini Zanzibar kwa ujumla, na anasema anafurahishwa sana na uongozi wake kwani unaonekana kukiletea faida chama chao cha cha CCM.

Aidha Mvita aliongeza kuwa yeye amemfahamu khayam tangu alivokua mwenyekiti wa baraza la watoto , na anakumbuka tangu enzi hizo Khayam alikua ni mtu mwenye uthubutu na anaeweza kujenga hoja.

Mwaka 2020, Khayam alishangaza jamii, kwani akiwa kijana wa miaka 20 tu alijitosa kuchukua fomu ya kugombea udiwani wa viti maalum ndani ya UWT, huu ulikua ni uthubutu mkubwa sana, wengi walimsifia na kumpa moyo wa kumsaidia ili aweze kufanikisha malengo yake, kwa kipindi hicho bahati haikua upande wake lakini alipata nafasi nzuri tu katika kinyang’anyiro hicho kwa kushika nafasi ya pili katika uchaguzi wa ndani ya chama chake.

Hiyo ilikua ni hatua nzuri sana iliyomfanya ajulikane na hivyo kupata fursa nyingi za ndani na nje ya chama kwani alijijengea heshima na kuaminiwa kuwa ni kijana mwenye uwezo na anaweza kuipeperusha bendera ya chama chake kwa uzuri kabisa.

Katibu wa UVCCM wilaya ya mjini anamzungumzia Khayam kama ni kijana anaewaunganisha vijana wenzake na kukipa nguvu Chama Cha Mapinduzi ili kiendelee kushika dola hapa Zanzibar, pia anasema ni mtu hodari na yuko haraka katika kupokea na kutekeleza maelekezo anayopewa na uongozi ulioko juu yake.

Sambamba na hayo, ndugu katibu anasema yeye binafsi anampa thamani sana mtoto wa kike na huwa anawashauri sana wajielewe, waongeze juhudi lakini pia kujiendeleza kimasomo kila wanapopata fursa ya kufanya hivyo.

Pia ametoa wito kwa wazazi kuacha fikra mgando kama siasa ni uhuni, hivyo wawape fursa na uhuru vijana wao wa kike ili kutimiza ndoto zao na hatimae wafikie malengo yao ya kuwa viongozi bora.

Khayam ametumia fursa ya mahojiano haya kuishukuru sana familia yake kwa kumpa mashirikiano makubwa katika masuala yake haya ya siasa anayoshughulika nayo.

Na anaeleza kuwa anafurahi kukuza heshma yake, kujenga mahusiano na watu wa rika, hadhi na vyeo tofauti na zaidi ni kupata fursa mbali mbali za kujifunza katika maeneo mbalimbali kupitia shughuli hizi za siasa.

Khayam pia amekishukuru sana Chama Cha Mapinduzi kwa kumpatia fursa na vile vile ameitaja uvccm kama ni tanuri la kuwajenga vijana na kuwakuza ili kuja kuwa viongozi bora hapa nchini akitolea mfano kwa Rais wa Jamhuri ya Muungano wa Tanzania Dokta Samia Suluhu Hassan.

Katika nafasi yake hiyo ya mwenyekiti wa UVCCM katika jimbo la Malindi, Khayam anajivunia sana kufanya mapinduzi ya kimtandao na kuufanya umoja wa vijana katika jimbo la malindi kuonekana zaidi kupitia mitandao ya kijamii kama instagram, facebook na nyenginezo.

Mwisho alimalizia kwa kuwapa moyo wasichana wenzake kuwa  wanaweza hivyo waendelee kujituma na kuwa wasikivu kwa familia zao, la muhimu zaidi amewataka kujielewa na kuwa na msimamo ili waweze kufikia malengo yao.

 Mwisho 

Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more