MWANAMKE ALIEVUNJA VIKWAZO KATIKA TASNIA YA SANAA YA MUZIKI DJ, HIJAB


Na MASSOUD JUMA UNGUJA

JINA lake halisi ni Aisha Bakary lakini anajulikana sana kwa jina lake la kazi ambalo ni HIJAB DJ, binti ambae anatokea hapa visiwani Zanzibar na kazi yake kubwa ni kupiga muziki katika maeneo mbali mbali ya burudani na starehe na amekua mwanamke wa kwanza katika kazi hiyo ya kupiga na kuongoza muziki (DJ) hapa Zanzibar.


Aisha ameamua kuvunja mfumo dume ambao umetawala katika tasnia ya muziki, na anawashawishi vijana wenzake wa kike wasizuiwe kutimiza ndoto zao eti tu kwa kujali kuwa tasnia hiyo ni kwa ajili ya wanaume.

Aisha pia kwa kupitia kazi yake hiyo mwaka 2019 amejishindia tuzo ya mwanamke wa mwaka ambayo hutolewa na shirika la Women Future ambayo ina lengo la kupongeza, kukuza na kutangaza mafanikio ya wanawake.

Aisha anasema tofauti na ilivyozoeleka kwa mavazi ya wadau wa muziki, yeye anafanya kazi zake siku zote akiwa amevaa hijabu na anafanya hivyo ili kuiwelesha jamii kubwa ya kizanzibari kuwa  hakuna ubaya kwa mwanamke kujiajiri katika sekta ya Sanaa.

Aisha anasema aliamua kutafuta kazi baada ya kumaliza masomo yake ya stashahada ya sayansi ya kompyuta kwa ajili ya kuisaidia familia yake baada ya kuondokewa na baba yao ambae ndie aliyekua msimamizi wa familia.

“mara tu baada ya kumaliza diploma yangu, niliamua kutafuta kazi ili niisaidie familia yangu baada ya kifo cha babaangu ambae ndio alikua tegemeo letu”,

Aisha anasema mwaka 2017 alianza kazi kama mtangazaji wa redio katika vituo tofauti lakini changamoto ilikua ni kucheleweshewa malipo na muda mwengine kukosa malipo kabisa.

“nilifanya kazi katika vituo vinne vya redio na televisheni lakini sijawahi kupata mshahara ambao ulinisaidia katika kuendesha familia yangu. Niliishia tu kupata  uzoefu wa kazi”.

Aisha aliongeza kuwa yeye kama mzanzibari anauheshimu sana utamaduni wetu wa kizanzibari, lakini hiyo haimzuii yeye kufanya kazi hiyo ya u DJ. Anafanya kazi maeneo tofauti ikiwemo Fumba Town, Nafasi Art Space iliyoko Dar es Salam, hotel mbalimbali za kitalii na hata maharusini.

Anasema ni ngumu sana kwa jamii na familia kuielewa na kuikubali kazi yake, kwani kazi yake hiyo inamlazimu kurudi nyumbani usiku mkubwa.

“hii bado ni changamoto lakini nashukuru Mungu, kupata baadhi ya tuzo katika tasnia hii ya burudani na baadhi ya waandishi kuja kufanya mahojiano na mie hapa nyumbani imesaidia kwa kiasi familia kulichukulia hili kwa mtazamo chanya”.

Aisha anaendelea kusema kuwa, ili kuwa dj mzuri ni lazima kujifunza kutoka kwa wengine namna wanavyofanya na pia kuwa mpenzi wa aina zote za miziki ili kuweza kukidhi mahitaji ya wateja wote.

Aisha anawaomba wazazi pamoja na jamii ya wazanzibari kwa ujumla kutumia vizuri vipaji walivyonavyo watoto wa kike kwa kuwafungulia milango katika sekta mbalimbali ambazo wenyewe wasichana watachagua kufanyia kazi.

“wanawake wengi wa kizanzibari wameekewa mipaka, yani ukishazaliwa unasoma elimu ya lazima ile, unaolewa na kulea familia, hii sio sawa kwani wanawake wengi wanakufa na vipaji vyao bila ya kuvitumia pahala”. Aliongeza Asha.

Sitiamina ni mkurugenzi wa SITI AND THE BAND anasema anampongeza sana Aisha kwa kusimamia msimamo wa kutimiza ndoto zake kwa kutumia kipaji chake, na anamuona ni DJ bora hapa visiwani Zanzibar ambae pia anawashawishi vijana wengine wenye ndoto kama zake kutokukata tamaa ama kuogopa kunyooshewa vidole.

“Tasnia hii ya muziki inaangaliwa kwa jicho baya kidogo, lakini Aisha anajitahidi kuifanya ionekane kwa jicho zuri kutokana pia na mavazi anayovaa, na huu ndio utambulisho wake mkubwa na tunaamini utamkuza zaidi ya hapa”. Anasema Sitiamina.

Khamis Haji ambae ni mdau wa masuala ya burudani hapa visiwani Zanzibar anasema kwa upande wake anamuona Aisha kama mwanamapinduzi katika sekta ya muziki hasa u DJ kwa upande wa wasichana, kwani anawawakilisha vizuri na kuonesha kuwa hakuna kazi maalum kwa ajili ya wanawake au wanaume tu.

“ukiwa pahala ambapo dj ni HIJAB DJ, huwezi kutofautisha ukasema kama hapa anapiga mwanamke, ladha na mizuka ni ile ile inayopatikana kutoka kwa ma DJ wanaume, kwa kweli anajitahidi sana.

Aisha anawaasa vijana hasa wa kike wapambanie ndoto zao mpaka pale zitakapokamilika, wasikubali kuwekewa vizingiti kutokana na jinsia zao ama mavazi yao, muhimu ni kuwa na heshma, kuweka bidii na kuonesha kazi iliyobora.

Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more