SALHA MWINJUMA; MWAKILISHI WA VIJANA KUTOKA WILAYA YA KUSINI UNGUJA YAJUE USIYOYAJUA AMBAYO NI MUONGOZO KWA WENGINE WENYE NDOTO ZA KUFIKA ALIPOFIKA YEYE.


NA MASOUD JUMA, UNGUJA
SALHA Mohamed Mwinjuma ni mwakilishi wa Viti Maalumu  anayewakilisha vijana kwenye Baraza hilo, ambapo safari yake ya siasa ameianzia akiwa na umri wa miaka 18.

 Mwaka 2020 alimaliza masomo yake ya shahada ya kwanza ya Uhusiano wa Kimataifa. Mnamo mwaka 2015 Salha aliwania viti maalumu na hatimaye kufanikiwa kuingia kwenye Baraza hilo akiwakilisha vijana kutoka Mkoa wa Kusini Unguja.

Kijana huyo anasema kuwa ameanza harakati zake kwenye umoja wa vijana wa CCM mwaka 2012 kabla ya kujitosa rasmi mwaka 2015 baada ya kuona anaweza kusimama na kutetea vijana wenzake.

Anasema amepata wakati mgumu kueleweka na jamii, lakini vijana na wanawake baadhi walimuelewa na sasa wanamuelewa zaidi kwani amekuwa akifanya kazi kwa ushirikiano wa hali ya juu na matokeo yake yamekuwa yakionekana siku hadi siku.

“Haikuwa kazi rahisi kwa wakati ule nilikuwa mdogo nina miaka 18 tu, nimejikita kwenye siasa nikiwa sina utani hata kidogo, kwa kweli wengi hawakunielewa wachache waliielewa kazi ninayofanya ambao walizidi kunipa moyo wa kusonga mbele,”anasema Salha.

Anazitaja changamoto alizokutana nazo katika hatua za awali alipowania nafasi ya uwakilishi ni pamoja na kukatishwa tamaa hususani na wanaume ambao wamekuwa wakifanya siasa kwa muda mrefu.

“Sikupata shida kukabiliana nazo kwa sababu zinaanzia ngazi ya chini na tangu nawania uwakilishi nilijua nitakutana nazo” anasema.

“Ninachofanya ni kuhakikisha najifunza kila siku, kwa wanaosema ya kujenga na kubomoa lengo ni kuwajua wote na kwenda nao sambasamba kwa sababu mimi ni kiongozi sasa siwezi kukwepa changamoto,” anasema.

Anasema wanawake wengi wanafeli kwa sababu wanaume wameshawapima na kujua udhaifu wao kwa miaka mingi wakikatishwa tamaa kidogo wanarudi nyuma.

Mwinjuma anasema hatarajii kugombea jimbo kwenye uchaguzi wa 2025 kwa sababu anataka kujifunza zaidi.

“Nitagombea tena nafasi hii niliyonayo sasa, nataka kujifunza zaidi kabla sijaingia kwenye mikikimikiki ya kuwania jimbo, ”anasema.

Anayataja malengo kuwa ni kuhakikisha anaowaongoza au aliochukua dhamana yao wanamuelewa na kujenga imani nao, ikiwa ni pamoja na kutekeleza anachowaahidi kwa kuyapeleka bungeni malalamiko yao ya kiserikali.

“Sababu kubwa ya mimi kuwa Barazani ni wao, hivyo nafanya kazi yao". anasema.

Salha anasema majukumu yake ya kazi hayaingiliani na familia kwa sababu wanafahamu anafanya nini na atakuwa wapi kwa wakati gani.

“Mume wangu na familia yangu yenye watoto wawili wanafahamu ratiba ya kazi zangu, kuna wakati nachelewa kurudi nyumbani kutokana na majukumu na wapo wananielewa, ”anasema.

Anasema licha ya uwakilishi wake kuorodhesha anawakilisha vijana, lakini hajawaacha nyuma wanawake pia ambapo amekuwa akiwasaidia katika shughuli zao mbalimbali.

Anasema huwa anakutana nao na kuangalia namna ya kuwapa mafunzo kwa ajili ya kujiendeleza kiuchumi na wapo waliofanikiwa kupitia vikundi hivyo.

“Nasimamia kuhakikisha wanapata mitaji, ambapo niliwahi kukutana na wafugaji wa nyuki wa eneo la Jambiani na Makunduchi nikiangalia miradi hiyo ambayo tuliwapa mafunzo na wamefanikiwa sana kupata asali ya kutosha, ”anasema.
Anasema mafanikio ya vikundi ndiyo kitu anachojivunia kwa sababu watu waliokupa dhamana wanapofanikiwa unapata nguvu ya kusonga mbele.

Salha anajinasibu kuwa bado yupo sana kwenye siasa, 
“Ninaweza kusema ndiyo kwanza naanza, wananchi watarajie makubwa kutoka kwangu.
Salha anamalizia kwa kutoa wito kwa vijana wenziwe khasa wa kike kuwa wanapopata nafasi wazitendee haki ili ionekane kama wao kweli wanaweza na wamedhamiria maendeleo.

Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more