AKINA MAMA WAHAMASISHWA KUJIUNGA NA VIKUNDI VYA MAENDELEO KUJIKOMBOA KIUCHUMI.

Na RAIFA ABDALLA -  UNGUJA. 

KATIBU wa Kikundi cha Ushirika Meli Nne Saccos  Njuma Ali Muhamed amewataka Wananchi Pamoja na akina mama  kujiunga na vikundi vya ujasiriamali,  kuweka hakiba na kukopa, ikiwemo , ili kujipatia Elimu pamoja na kuwezeshwa kwenye Shughuli za kujikwamua Kiuchumi ,katika kukuza Maendeleo yao na jamii kwa ujumla.

           Baadhi ya Akina Mama Ushirika wa Meli Nne Saccos. 

Hayo yameelezwa na katibu wa Meli nne Saccos  Njuma Ali ambae pia ni mwanzilishi wa ushirika huo,wakati akizungumza na mwandishi wa habari huko katika afisi za ushirika wa melinne saccos ,Mkoa wa Mjini Magharibi.

          Njuma Ali Muhamed - Katibu  Meli Nne Saccos 

Alisema , aliamua kuwakusanya wanawake wenzake katika kuunda ushirika huo baada ya kupata mafunzo ya namna bora ya kuanzisha vyama vya kuweka na kukopa katika jamii.

“Baada ya kupata mafunzo ya kuanzisha ushirika wa kukopa na kuweka kutoka Umoja wa watu wenye ulemavu Zanzibar, nilirudi kwa sheha wangu na kumshauri, na ndipo tukaanza kukusanya watu ndipo ushirika huu ulipoanza mwaka 2005 ambapo ushirika uliana na wanachama 150” alisema Bi njuma

Alisema kuwa wamekuwa wakitoa elimu kwa wanachama wao kabla kupatiwa mikopo wanayoitaka juu ya namna bora ya marejesho, kueka akiba, kuweka amana pamoja na elimu ya ujasiriamali, ambayo itawasaidia kutumia vizuri mkopo wanaopatiwa  katika  kujikwamua na hali ngumu ya maisha.

“Kupitia mafunzo wanayoyapata yameweza kuwasaidia wanachama wa ushirika huo kuweza kurejesha mikopo yao mapema, kukuza biashara zao pamoja kutumia vizuri mikopo hiyo katika kufanya shughuli za kimaendeleo” alisema

Aidha alisema kuwa ushirika umefanikiwa kuweza kupata eneo ambalo wamejenga ofisi, maduka pamoja na ukumbi ambao unatumika kwa shughuli mbali mbali za kijamii. Pia wamefanikiwa kuwapatia Ajira vijana 23.

Aliongeza kuwa, mbali na mafanikiyo yaliyopatikana kwa sasa ushirika huo unakabiliwa na Changamoto  ya uzorotaji wa marejesho ya mikopo kutoka kwa wanachama jambo ambalo linawarejesha nyuma katika uendeshaji wa kituo hicho, na kuwataka wanachama kuachana na dhana potofu kuwa mikopo wanayopatiwa kuwa haihatajiki kurejeshwa jambo ambalo si sahihi.

Kwa upande wake Khamis Daudi Simba Mkurugenzi idara ya maendeleo ya ushirika alisema kuwa wanautambua vyema ushirika wa Meli nne Saccos na ni miongoni mwa Saccos ambazo zinafanya vizuri Zanzibar.

“Melinne Saccos ni miongoni mwa vyama vya ushirika vya msingi vilivo sajiliwa Rasmi kupitia idara hii, na wanachama wamekuwa wajipatia mikopo na kuweka akiba kwa ajili ya kuendesha maisha ya wanachama. Saccos hii ni namba Moja Zanzibar ambao ina wanachama wengi na wameweza kupata mafanikio mazuri” alisema

Idara imekua ikitoa mashirikiano kwa Saccos zote kwani kupitia suala hili wameweza kuwafikia wanachama wa vyama vya ushirika kwa kueka Afisa ushirika katika ngazi za wilaya, ampabo wamekuwa wakitoa mashirikiano katika kuvisajili, kuvijengea uwezo, kutatua  migogoro, kuvilea pamoja na kuvikagua vikundi vyote vya ushirika.

Nae Katibu mtendaji wa mwanvuli wa vyama vya  akiba na mikopo Zanzibar (ZASCCU) bwana Abdala Hassan Iddi alisema, ushirika huo umepata Uongozi imara unaongozwa na Bi Njuma kutokana na ubunifu wake ulioambatana ujasiri.

“Ujasiri wake katika kuhakikisha anawakwamua wanawake wenzake kutokana na ugumu wa maisha  sio jambo rahisi, kwani ameweza kutoka kwenye mtaji wa shillingi Moja hadi kufikia shillingi bilioni Moja katika ushirika wake. Hivyo naweza kusema kuwa ni super woman” alisema.

Akizungumzia mafanikio aliyoyapata mwanachama wa ushirika huo Iptisam Abadala Salum  alisema kupitia elimu aliyopatiwa ameweza kujikwamua na hali ngumu ya maisha, amejenga , anasomesha watoto na  ameweza kuajiriwa kwenye ushirika na kuwa muuza duka la bidhaa za Meli nne Saccos. 

Nae sheha wa shehia ya Meli nne Nouman Maulid Salum, Alitowa wito kwa wananchi wake kujitokeza kwa wingi kujiunga na ushirika huo Kwani ni miongoni mwa vyama vya ushirika vilivofanikiwa Zanzibar kutokana na maendeleo yake yanayoonekana, na kuepukana na lawama kutoka kwa wanachama wao wanoishi katika shehia hiyo na wanaotoka nje ya shehia hiyo.

Ushirika wa Meli nne saccos ulianzishwa mnamo mwaka 2005 hadi sasa 2023 ambapo ulianza na wanachama 150 kwa sasa una Jumla ya wanachama 1753 wanawake wakiwa ni 1023 na wanaume ni 730.

Comments

Post a Comment

Popular posts from this blog

BAJAJI WAMLILIA RAIS DK MWINYI PEMBA ,WAOMBA MSAADA KWAKWE WASEMA WAMECHOSHWA NA HILI KUTOKA MAWASILIANO

Image
NA AMINA AHMED PEMBA. WANANCHI katika  Manispaa ya Mji wa chake chake na Vitongoji vyake walilazimika kuchelewa kakika harakati zao za kujitaftia riziki baada ya usafiri uliozoeleka kwa siku za hivi karibuni wa Bajajj kutoonekana au kuonekana chache kwenye viunga tofauti mapema leo Machi, 6, 2025. Baada ya hali hiyo kushika kasi huku wananchi wakipigwa na butwaa, mnamo Majira ya saa 3 Asubuhi  Gari za Daladala ikiwemo za Ole Kianga kuanza kuchukua Abiria hao na kuanza kuwasafirisha. Hata hivyo wakizumzia kutoonekana katika vijiwe vyao kubeba abiria baadhi ya waendesha Balaji walisema kuwa walilazimika kushiriki katika kikao  cha  dharura  kwa ajili ya kujadili  unyanyasaji wanaopata katika mamlaka za serikali ikiwemo Wizara ya Ujenzi, Mawasiliano na Uchukuzi kupitia mamlaka ya usafirishaji. Wamesema Mawasiliano na Baraza  MawasilianoJuu kile walichodai kuwa Wamechoshwa na Udhalilishaji wanaofanyiwa na Mamlaka hizo mb...
Read more

Masheha wanawake wa Wilaya ya Magharib B walivyoleta mabadiliko na maendeleo kwenye shehia zao.

Image
SALMA KHMIS - UNGUJA                           KATIKA Uongozi wa taifa hili viongozi ambao wako karibu na wananchi na wanapaswa kuhakikisha maendeleo yanafikiwa na yanafanyika ni Masheha. Masheha wa Wilaya ya Magharib B wamejipanga kuhakikisha maendeleo na mabadiliko yanapatikana ndani ya shehia zao. Wilaya ya Magharibi B ni miongoni mwa Wilaya tatu zilizomo katika mkoa wa mjini magharib  Unguja  ambapo Mkoa huo una jumla ya masheha 121 kati ya hao 19 ni wanawake na 101 ni wanaume. Wilaya ya Magharibi B ni Wilaya iliyotoa shehia 34 kati ya hizo shehia 6 zinaongozwa na masheha wanawake na shehia 28 zinaongwa na masheha  wanaume. Shehia ya kijitoupele na michungwani ni Shehia maarufu zilizomo katika Wilaya ya Magharib B  ambazo zinaongozwa na Masheha wanawake. Shehia hizo kwa kiasi kikubwa zimepiga hatua za kimaendeleo ikiwemo kueka mazingira safi na kupambana na vitendo vya uchimbaji wa ...
Read more

MPANG0 MKAKATI JUMUISHI WA JINSIA KATIKA MICHEZO UTEKELEZAJI WAKE UZINGATIWE.

Image
 NA ASIA MWALIM  MARA nyingi tumeshuhudia uzinduzi wa mipango mikakati kwenye masuala mbali mbali ikizinduliwa,  lakini ukifatilia kwa karibu utabaini utekelezaji wake haufikii lengo husika.   Kwa kuwa utekelezaji wake hauzingatiwi, huo huwa wakati kwa baadhi ya watu kutokujali kutekeleza yalioelezwa kutokana kutochukuliwa hatua yoyote.   “Huwezi kumwambia mgeni apite wakati mlango wa nyumba yako umeufunga” huu ni wakati sasa serikali, wadau mbali mbali wa michezo na jamii kushirikiana katika utekelezaji wa mpango mkatati jumuishi wa michezo ili kufikia dhana ya kuanzishwa kwake na kila mmoja kunufaika na fursa za michezo.   Kwa muda mrefu kundi kubwa la wanawake na wasichana walishindwa kushiriki michezo ipasavyo kutokana na changamoto kadhaa ambazo hazina usalama kwao kushiriki michezo.   Hali hiyo ni miongoni mwa vikwazo vinavyowakabili baadhi ya wanawake wanaojitokeza kushiriki michezo, hatimae kuvunja ndoto zao ya kuibua vipaji kwa kut...
Read more