KAZI 162 ZINAZOHUSU SHERIA YA HABARI NA UHURU WA KUJIELEZA ZIMECHAPISHWA.

NA ASIA MWALIM 




JUMLA ya kazi 161 zinazohusu sheria ya habari na uhuru wa kujieleza zimechapishwa na waandishi wa habari 25 wa Unguja na Pemba waliopatiwa mafunzo kupitia mradi wa miaka 2 wa majaribio wa mapitio ya sheria za habari Zanzibar.

Afisa Programu wa mradi wa majaribio wa mapitio ya sheria za habari Zanzibar kutoka TAMWA Zaina Abdalla Mzee, aliyasema hayo wakati akiwasilisha ripoti ya tathmini ya utekelezaji wa mradi kwa kipindi cha mwaka mmoja 2023/2024 kwa waandishi wa habari, wadau wa serikali na binafsi wakiwemo ZAMECO na tume ya Utangazaji Zanzibar. 

Alisema kazi zilizowasilishwa zilionyesha mapungufu yaliyojitokeza katika sheria mbali mbali za habari ikiwemo sheria namba 5 ya Usajili wa Wakala wa Habari, Magaazeti na Vitabu ya mwaka 1988 na marekebisho yake namba 8 ya mwaka 1997 ambayo ni ya muda mrefu.

Na sheria namba 7 ya mwaka 1997 ya Tume ya Utangazaji Zanzibar, na marekebisho yake namba moja ya mwaka 2010 ambazo bado zina wakwaza waandishi wa habari katika uyendaji wao.

Aidha alisema lengo la kuanzishwa mradi wa kutetea masuala ya uhuru wa habari ni kupatikana kwa sheria huru na rafiki kwa vyombo vya habari ili kufanya kazi zao kwa weledi na kufanya habari za uchunguzi.

Akielezea mambo yaliyofanyika kwa kipindi cha mwaka mmoja wa utekelezaji wa mradi huo Zaina alisema jumla la vikao 5 vilifanyika kwa ajili ya kuzungumzia umuhimu wa sheria mpya ya habari pamoja kuzichambua sheria 8.

"Sheria hizo 8 tulizipitia na kuangalia mapungufu yake na kufanikiwa zikawasilishwa kwa waandishi wa habari na baadhi ya viongozi wa serikalini" .

Aidha alifahamisha kuwa katika kipindi cha miaka 2 cha utekelezaji wa mradi huo wanatarajia uhuru wa habari Zanzibar ukue na uheshimiwe kupitia sheria rafiki za habari hivyo aliwasisitiza waandishi wa habari na wadau mbalimbali kuongeza kasi ya kuandika umuhimu wa uwepo wa sheria ya habari kwa kipindi kilichobaki hadi kukamilika kwa mradi huo.


Akifungua kikao hicho Mjumbe wa Bodi ya TAMWA Zanzibar Hawra Shamte aliwahimiza waandishi wa habari kuzitumia kalamu zao kwa ajili ya kufanya uchechemuzi juu ya upatikanaji wa sheria mpya na rafiki ya habari ili vyombo vya habari viweze kufanya kazi zao vizuri. 


Alisema zipo sheria mbalimbali ikiwemo sheria ya adhabu, sheria ya Takwimu na sheria ya Uchaguzi zinawabana waandishi wa habari katika kutekeleza majukumu yao hivyo ipo haja ya kuongeza bidii ya kufanyiwa uchechemuzi.

Alisema kila mwaandishi wa habari anapaswa kujitolea kulisema hili kuhakikisha sheria hizo  zinazonyima uhuru wa habari na kujieleza zinafanyiwa marekebisho ili kuwalinda waandishi wa habari katika majukumu ya kazi zao za kila siku.

Nae Mkurugenzi wa Chama cha Waandishi wa habari Wanawake Tanzania TAMWA Zanzibar Dk Mzuri Issa ameviomba vyombo vya habari visichoke kuzungumzia masuala ya upatikanaji wa sheria mpya ya habari kwani jambo hilo linahitaji nguvu ya pamoja.

Mradi wa mapitio ya sheria za habari Zanzibar umeanza Agosti mwaka 2023 na unakamilika julai mwaka 2025 unatekeleza  na TAMWA Zanzibar kwa mashirikiano ya Coman Welth Foundation. 

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more