BIDII YAMUWEZESHA KUONGOZA HOTELI KUBWA


NA, THUWAIBA HABIBU, UNGUJA
TUNAAMBIWA  mwenye kujitahidi hufaulu na hili limeonekana kwa mwnamke, Sylvia Godleven Moshi ambaye sasa anaongoza hoteli ya Golden Tulip Stone Town Boutique iliyopo Malindi, Unguja.
Hoteli hii iliopo karibu na bandari mbali ya kupokea watalii kutoka nchi mbali mbali ni kituo maarufu cha mikutano.
Mwanamke huyu ana miaka 25, lakini bidii zake za kujifunza ,kujiamini na ujasiri zimepelekea licha ya kuwa na umri mdogo kuaminiwa na kupewa dhamana hii kubwa ya kuwangoza wanaume na wanawake zaidi ya 80.
Kumbuka kuwa hawa wafanyakazi ni watu wa rika, tabia na mtazamo wa maisha tafauti.
Kama utafanya upelelezi wa kupitia hoteli  nyengine za aina hii utaona uongozi wa hoteli wa nafasi hii amepewa mtu mwenye umri mkubwa kidogo, uzoefu wa muda mrefu wa kazi ya hoteli na wengi wao ni mwanamume.
Lakini mwana dada huyu  amefanikiwa kuwa kiongozi wa hii hoteli kutokana na bidii ya kujituma na kujenga maelewano mazuri na wafanyakazi na wateja wanaofika hapo kupata huduma mbali mbali. .
Katika orodha ndefu ya majukumu yake ni pamoja na kusimamia wafanya kazi wote kwa shughuli walizopangiwa kufanya, kuajiri watu, kupanga mapumziko na likizo za wafanyakazi.
Alisema wakati wote huwa anajaribu kuhakikisha kila mfanyakazi anawajibika ili huduma za hoteli zibakie kuwa za kiwango cha juu kama wateja wanavyozitarajia kuwa.
Unapokuwa katika eneo lako la kazi na hasa kiongozi hutakiwi kuogopa au kumuonea mtu, bali kutumia sheria na taratibu za kazi’’, alieleza.
Binti huyu alipata elimu katika Chuo Kikuu cha Iringa  ambako alisomea fani ya usimamizi rasilimali watu mnamo mwaka 2021.
Baadaye alipata mazoezi ya vitendo kwa miezi mitatu  katika Tanzania Investment Bank ambapo ndipo alipoanza kupata ujuzi wa kazi anayoifanya hivi sasa.
Katika mwaka 2022 alipata ajira katika Hotel ya Golden tulip  na kushika nafasi aliyokuwa nayo hivi sasa..
Nashukuru, sijahangaika sana kutafuta kazi na naaamini bidii yangu ndio ilionisaidia kuonekana kuwa nina uwezo wa kuongoza’’, aliongeza.
Dada huyu aliwataka wanawake wenziwe kuwania nafasi za uongozi zilizopo katika sekta  mbali mbali kwa kuonesha utayari na uwezo wa kuongoza  na kwa kufanya hivyo tu ndio watafikia malengo waliojiwekea.
Alisema kikubwa cha kufanya mbali ya kujiamini ni kuhakikisha unatekeleza  na kutimiza  majukumu yako kwa usahihi na vizuri unapokwama ukataka ushauri
Mwendo huu utawafaya wakubwa na wadogo waelewe uwepo wako katika eneo hilo.
Aliwataka wanawake wasiogope kuwa viongozi na kwa kufanya bidii na kushika nafasi za uongozi ndio patapatikana usawa wa kijinsia katika uongozi.
‘’Ukiwa mtaani unapata maneno mengi yanayovunja moyo ya kuwa hutoweza kuongoza muhimu ni kushikilia malengo yako tu’’, aliongeza.
Alisema katika safari yake  ya uongozi alikumbana na changamoto ya kiumri na kimuonekano, lakini yote hayo hayakumrejesha nyuma ,bali yalimshajiisha kufanya juhudi zaidi ili waliokuwa na mashaka wabadili mtazamo wao.
‘’Nashukuru sikufikiwa na matatizo kwa sababu ya usichana wangu, lakini kidogo nilikumbana na shida  mdogo na umbo langu. Nilitumia zaidi hekima kwa sababu naongoza watu walionozidi miaka na wengine wenye rika na wazazi wangu’’, alieleza
Kilichosaidia zaidi ni kuzitumia sheria na taratibu za kazi kama muongozo  wa kufanya kazi yake na kwa vile  sheria ni msumeno basi hakuchelea kuhakikisha unamkata kila aliefanya makosa.
Alisema changamoto ziko kila sekta na sehemu zote ujasiri ndio ngao pekee ya kupata suluhisho, lakini kuwa tayari kujifunza zaidi na kupata mawazo mapya ili kuwa kiongozi bora
Msimamizi mkuu wa ghala ya hio hoteli, Masoud Juma kitwana,  alielezea kufurahishwa na uongozi wa huyu dada na zaidi kwa kuonyesha mashirikiano na wafanyakazi.
Kubwa zaidi ni kwamba anawatendea wafanyakazi wote haki.
"Ni  binti  mwenye hekma na busara na  hana majivuno au dharau kwa kuwa anashika nafasi ya uongozi’’, aliongeza.
Mfanyakazi mwengine wa hoteli, Shaibu Magoma alisema uongozi wa huyu dada ni mzuri na wanatamani wabakie kuwa naye kwani ana roho ya kibiadamu ni muelewa wakati mtu akipata matatizo.
Vile vile anapokea mawazo yanayotolewa na wafanyakazi na watu wengine na husaidia kutatua shida za wafanya kazi.
Kwa ujumla, uongozi wa hoteli wa dada huyu mwenye umri mdogo ni kielelezo chengine katika jamii yetu kwamba sifa ya uongozi sio umri au jinsia, bali wa jitihada za mtu na namna anayoweza kushirikiana na wenzake katika kazi.

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more