MABADILIKO WATENDAJI ZRA PEMBA WALETA MATUMAINI KWA WAFANYA BIASHARA

NA, AMINA AHMED MOH’D - PEMBA. 
BAADHI ya Wafanya Biashara  wilaya ya  Mkoani  mkoa wa Kusini Pemba wamepongeza juhudi zinazoendelea kuchukuliwa na mamlaka ya mapato Zanzibar ZRA  juu ya maswala ya utolewaji wa  elimuya kodi  na hatua za ukusanyaji wa mapato   ukilinganisha  miaka iliyopita. 

  Kauli  hizo zimetolewa na wafanya biashara  kutoka mitaa na maeneo mbali mbali ya wilaya hiyo   walipokuwa wakizungumza  mbele ya Mkurugenzi wa Mamlaka ya Mapato Zanzibar ZRA Pemba Jamal Hassan Jamal aliefika  ndani ya wilaya hiyo   kuzungumza na kusikiliza changamoto za wafanyabiashara maeneo tofauti ikiwa ni mwezi maalum wa kurejesha shukurani kwa walipa kodi ulioandaliwa na  mamlaka hiyo.

 Wamesema suala la utolewaji wa taaluma juu ya njia  sahihi za ulipaji kodi zimeimarika na jambo ambalo awali lilikuwa  ni changamoto kubwa  kwa wafanya biashara na watendaji wa mamlaka hiyo katika kukusanya mapato.

 Tunashukuru ZRA  Pemba  watendaji wamebadilika  tofauti na awali uelewa na taaluma wanazidi kutupatia kila tunapohitaji,wamekuwa  karibu sana na sisi    wamekuwa marafiki ambao wanatuhamasisha kuwa walipaji kodi kwa hiari zile vuta ni kuvute zimepungua". Alisema  Yussuf Mussa Makame Mfanya biashara wa saruji, pamoja na mbao   Mkoani . 

Aidha  Wafanya biashara hao wameiomba mamlaka hiyo  kuwashirikisha  kunapotokea mabadiliko  katika taratibu mbali mbali za ulipaji a kodi. 

 " Tumezipokea shukurani  zenu hizi kwa mikono miwili  na sisi tunaahidi tutaendelea kuiunga mkono serikali kwa kuwa  walipa kodi  wazuri,  kodi ambazo zinarudi kwetu kufanya maendeleo mbali mbali".

"Kunapotokea mabadiliko yeyote mtushirikishe sisi wafanya biashara kwa sababu hatuna lengo la kukwepa kulipa kodi  sote tunajenga nyumba moja  hivyo mabadiliko yanayotuhusu walipa kodi msiyakalie kimya   yakitokea mtuambie ili mnapofanya mabadiliko  tusiwe tunalalamika".alisema mfanya biashara Said  Hemed 

 Katika Hatua nyengine  wafanya biashara hao wameishukuru Serikali ya awamu ya 8   kwa kuendelea  kuleta maendeleo  katika wilaya hiyo ikiwemo ujenzi wa masoko, uimarishwaji wa  bandari kutoa fursa kwa  wafanya biashara, na kuwakubalia maombi yao katika kuwekeza na kujenga vyanzo vipya vya  kufanyia biashara.

"Maendeleo ya wazi wazi tunayaona sisi kama wafanya biashara kwetu hili ni jambo la faraja  tunapata moyo zaidi katika kulipa kodi, tunaona barabara zinajengwa, mahospitali na vifaa, bandari masoko vyote hivyo ni kwa muda mchache wa awamu hii ya nane tunatamani rais wetu akae  siku zote  asiondoke tena kwa sababu kile kilio tulichokuwa tunalia zamani kimeondoka tulikuwa tunalilia maendeleo na yamekuja kwa kasi na yanaendelea"alisema Hemed Muhammed mfanya biashara wa Vifaa vya ujenzi na vyombo vya moto.

Mkurugenzi wa ZRA Pemba Jamal Hassan Jamal Amesema lengo la  kutembelea walipa kodi wa hiari waliofanya vizuri katika wilaya hiyo kwa mwaka 2023 ni kurejesha shukurani kusikiliza changamoto sambamba na kupokea maoni  katika kuimarisha zaidi utendaji kazi wa mamlaka hiyo.

Aidha  Jamal amesema mamlaka hiyo itaendelea kushirikiana vyema na walipa kodi katika kuona malengo yaliowekwa na serikali juu ya kuboresha maendeleo katika  nyanja mbali mbali  yanafikiwa.

  Hata hivyo amewataka wafanya biashara kuendelea kutoa mashirikiano na mamlaka hiyo   ikiwa ni pamoja na kutoa taarifa wanapokabikiwa na changamoto mbali mbali  juu ya mifumo ya ulipaji kodi.

  Miongoni mwa maduka hayo yaliotembelewa ni Pamoja na Maduka ya biashara za vyakula, vipodozi, mbao, Saruji, Nguo na  mengineyo kutoka maeneo mbali mbali ndani ya wilaya hiyo.

 Mwisho

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more