TRA MKOA WA KIKODI PEMBA WATAKIWA KUONGEZA VYANZO VIPYA VYA UKUSANYAJI WA MAPATO KISIWANI HUMO .

NA - AMINA AHMED MOH’D PEMBA. 


NAIBU waziri wizara ya Fedha Tanzania Hamad Hassan Chande ameitaka mamlaka ya mapato Tanzania TRA mkoa wa kikodi Pemba kufanya utafiti utakaosaidia kupata vyanzo  vipya vya mapato sambamba na kuzidisha uimarishaji wa mifumo ya ulipaji wa kodi mbali mbali zinazokusanywa na mamlaka hiyo .

 Ameyasema hayo  alipokuwa akizungumza na watendaji wa mamlaka hiyo, viongozi  wananchi, taasisi za serikali na binafsi  katika   kilele cha maadhimisho ya wiki ya  kurejesha shukurani kwa walipa kodi  iliyoandaliwa na mamlaka hiyo mkoa wa kikodi Pemba katika ukumbi wa Sun set Wesha Nje kidogo na mji wa Chake Chake.


Amesema licha ya kuvuka malengo ya makusanyo   yaliowekwa na mamlaka hiyo mkoa wa kikodi Pemba ipo haja ya kufanya utafiti maalumu wa kuongeza vyanzo vipya vya mapato ambavyo vitasaidia kuongeza  kodi zitakazotumika kwajili  ya kuleta  zaidi maendeleo nchini, pamoja na kuweka  mifumo imara itakayosaidia walipa kodi kudai risiti za kielectoniki. 

Aidha  naibu huyo  amewataka watendaji wa mamlaka hiyo kuendelea kushirikiana na   taasisi, serikali pamoja na wananchi katika kuhakikisha wanaendelea  kufanya kazi ya ukusanyaji wa mapato bila kutumia  mabavu, wala kugombana na walipa kodi  wao ambao ni wananchi. 

Akizungumza  katika kilele hicho  kwa niaba ya kamishna wa TRA Tanzania meneja wa TRA  Zanzibar Saleh Haji Pandu amesema kuwa  kuvuka kwa malengo ya makusanyo mkoa wa kikodi Pemba kumetokana na kuongezeka hamasa  kwa wananchi ambao ni walipa kodi  ambapo amesema mamlaka hiyo  itaendelea kuiunga mkono serikali na kuonesha mafanikio ya kikazi kwa mamlaka hiyo katika makusanyo mbali mbali. 

 Nae kwa upande wake Meneja wa TRA  mkoa wa kikodi Pemba  Arif Said Amesema  kuwa mamlaka mkoa huo itaendelea kuhamasisha jamii ikiwa ni pamoja na kutoa elimu juu ya kodi kwa  kuzitumia fursa  mbali mbali. 

  Akitoa salam za mkoa wa Kusini na Kaskazini Pemba Mkuu wa mkoa wa Kusini Pemba Mattar Zahor Massoud Ameipongeza mamlaka hiyo ya TRA kwa kuendelea kuisaidia serikali  kukusanya  kodi  kwa kutumia busara  bila kuwasumbua walipa kodi  ambao ni wananchi kwa namna yeyite ile ambapo amesema TRA mkoa wa kikodi Pemba ni miongoni mwa mamlaka pekee ambayo haijawahi  kulalamikiwa na wananchi  katika utendaji kazi wake. 

 Aidha Mattar amezitaka taasisi nyengine  kuiga mfano huo wa TRA katika kukusanya mapato kwajili ya maendeleo ya nchi bila kutumia nguvu  sambamba  na kukusanya kodi kwa misingi ya kistaarabu  kama inavyoelekezwa na viongozi wa nchi akiwemo Dk Samia Suluhu Hassan pamoja na Hussein Ali Mwinyi  rais wa Zanzibar ili kufikia malengo yaliokusudiwa. 

Katika kilele hicho  Naibu waziri huyo pia Alikabidhi zawadi  kwa walipa kodi waliofanya vizuri  mwaka 2023  huku Mamlaka hiyo mkoa wa kikodi Pemba ikiwa imevuuka lengo la makusanyo ya kodi na kufikia asilimia 100. 9 ukilinganisha na mwaka uliopita. 

Mwisho

 

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more