WAKULIMA WA MBOGA A MBOGA PEMBA WAPEWA ELIMU JUU YA KUTAMBUA UDONGO WENYE AFYA KWA KILIMO, LENGO KUPATA TIJA NA MAENDELEO

NA AMINA AHMED MOH’D, PEMBA. 
ZAIDI ya Wakulima 120  wa Mboga mboga na Matunda   Kutoka maeneo mbali mbali ya  kisiwa cha Pemba  wamepatiwa mafunzo maalumu   juu ya Afya Bora ya Udongo  na usimamizi Wa rutuba kutoka Taasisi ya Utafiti wa Kilimo Zanzibar.
 Akitoa elimu  elekezi  katika mafunzo hayo mkuu wa division ya Utafiti wa udongo na mimea  Zanzibar Ali Hamad Ali alisema kuwa lengo la mafunzo hayo ni  kuwasaidia  wakulima kuweza kuchunguza  afya ya Udongo kabla ya kulima mazao yao  kuepuka hasara na kujipatia faida kupitia kilimo chao. 

 "Udongo ndio tegemeo kubwa la wakulima katika masuala ya kilimo tumeona ni vyema kufikisha elimu hii kwa wakulima   kutokana na waliowengi kukosa elimu hii na kupata hasara mbali mbali ikiwemo mazao kuharibika pamoja na miche" .

Alisema  Kutokana na wakulima wengi kuendelea kutumia mashamba ambayo yalishatumika  kwa muda mrefu na  mashamba hayo kuondokana na virutubisho na kupelekea kutofikiwa malengo ya kunufaika na mazao kwa wakulima  taasisi hiyo imeamua kuwa karibu na wakulima kutoa Elimu hiyo itakayobadilisha maisha yao  . 

"Ili kufanya kilimo kiwe Endelevu na wakulima waweze kupata tija na mazao mazuri  tumeona ni bora kueneza elimu hii ya uhuwishaji  na utunzaji wa udongo lengo ni kulima kitaalamu kwa kutumia teknologia yenye kuutambua udongo". 


 Akitoa Elimu hiyo elekezi kwa wakulima hao Asha Muhamed  Shoka  kutoka Taasisi ya Utafiti wa Kilimo Zanzibar kiteng cha udongo amewataka wakulima hao kufanya uchungizi  na kupima udongo kabla ya kuanza harakati za kilimo ili kuwasaidia kutambua aina za udogo. 
"Kupima udongo kutaweza kuwasaidia wakulima kujua aina gani ya udongo inafaa kwa kilimo au mazao fulani hiyo itawadaia kuwaepushia hasara  mbali mbali mnazozipata katika mashamba yenu".

Katika udongo kuna P, H tofauti tofauti  ambazo  ni maalum kwajili ya mboga mboga za aina fulani  kuupima kabla ya kuanza kulima ni bora zaidi  ili kuendana sambamba na teknologia katika kukuza kilimo. 

  Wakizungumza mara baada ya mafunzo hayo baadhi ya wakulima  waliopatiwa mafunzo Maryam Rashid salum  Ali kutoka Mjini Ole  pamoja na  Mafunda Bakari Ali wamesema  elimu hiyo itasaidia kulima kilimo cha kisasa ambacho  kitawasaidia kuikomboa kiuchumi ambapo pia wamesema wataifikisha kwa wakulima wengine ambao walikosa mafunzo hayo ili kuwanufaisha. 

Mradi wa kufikisha  Teknologiya ya  kutunza afya  ya   udongo kwa wakulima wa mboga mboga, na matunda World Vigitable  umefadhiliwa  washirika wa maendeleo  mbali mbali  ya maendeleo ikiwemo  IFDC pamoja na USAID    ambapo wakulima mabwana shamba  viongozi wanshehia na maafisa kilimo wilaya zote nne za pemba walishiriki katika mafunzo hayo  Ambapo Mafunzo hayo ya siku moja  yalifunguliwa  na Afisa Mdhamini wizara ya kilimo Pemba .

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more