SERIKALI YAAHIDI KUKIFUNGUA ZAIDI KISIWA CHA KOJANI KWA KUTATUA CHANGAMOTO MBALI MBALI ZINAZORUDISHA NYUMA MAENDELEO KISIWANI HUMO.

NA AMINA AHMED MOH'D, PEMBA



ZIARA ya makamu wa pili wa rais Zanzibar Hemed Suleiman Abdulla kuendelea kukagua  ujenzi wa skuli za ghorofa maeneo mbali mbali kisiwani Pemba leo   hii imefika katika  wilaya ndogo ya Kojani mkoa wa kaskazini kukagua mradi  huo pamoja  kuzungumza na wananchi na kuweza kusikiliza changamoto zinazowakabili .  

Akizungumza na wanachi katika  kijiji cha Kipata  Kojani    eneo ambalo linajengwa skuli hiyo kwajili ya Wanafunzi wa Msingi  makamu huyo amesema  kuwa  serikali ya Mapinduzi ya Zanzibar itaendelea kuboresha maenedeleo ya elimu kisiwani humo  ili kupata Viongozi bora watakoasimamia taifa katika nyanja mbali mbali.
 
 " Tunataka tutoe wasomi zaidi na zaidi katika kisiwa hichi, ambao watakuwa wasaidizi na viongozi katika sekta mbali mbali, lengo la serikali ni kuona kojani inabadilika na kuwa kojani yenye maendeleo zaidi lakini pia kuona wasomi wa fani mbalo mbali wanaendelea kutoka huku   . 

  Aidha Makamu huyo amewataka wanachi wa kojani kutoa mashirikiano  kwa wasimamizi wa jengo hilo ili kuona linakamlika kwa wakati  lna kuanza kutumiwa na wanachi. 

 Katika hatua nyengine  makamu  huyo amesema serikali itaendelea kulipatia ufumbuzi   suala la kituo cha afya  ambacho kwa sasa hakikidhi mahitaji  kwa wananchi kisiwani humo   kutokana na udogo wake. 

 "Salam  kutoka kwa  mh rais kaniambia serikali ipo mbioni  kuzipatia ufumbuzi changamoto zote zinazorudisha nyuma maendeleo ya kojani  ikiwemo kuongeza kituo cha Afya amabacho kitasaidia wananchi kuondoa changamoto zinazowakabili". 

 "Jumla ya shilingi bilioni 20 mh rais ameshazitenga kwajili ya kuleta maendeleo ikiwemo kisiwa cha kojani  maendeleo ya elimu, afya maji na mengineyo, na ifikapo 2030 kojani itakuwa kojani nyengine. 

 Sambamba na hayo Hemed amewataka wananchi kuendelea kuhamasishana  maendeleo na kuacha mambo yasio na maana yanayirudisha nyuma  harakati za kufikiamaendeleo. 

 Awali akizungumza   katika mkutano huo waziri wa elimu na mafunzo ya amali  Zanzibar leila  Muhammed Mussa amesema utakapokamilika ujenzi wa ghorofa hiyo  kutasaidia    kutatua changamoto ya uhaba wa madarasa kisiwani humo na kuwaondoshea usumbufu. 

" Miongoni mwa  changamoto kubwa  katika elimu kisiwa cha Kojani ilikuwa ni skuli ya msingi kutokana na  iliyopo kuwa haikidhi  matakwa    ya    wanafunzi,  ni wengi madarasa hayatoshi kukamilika kwa ujenzi kutasaidia kuondoa changamoto hiyo. 


 Kwa Upande wake mkandarasi wa kampuni  hiyo  Sinic construction  Hawa Abdalla Said amesema   itasimamia ujenzi huo kukamilika  mapema kabla ya muda uliowekwa  kwa ubora. 


 Mwisho 

 

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more