WAZIRI TAMISEMI AAGIZA KUSIMAMISHWA KAZI WENGINE KUONDOLEWA WANAOSABABISHA UPOTEVU WA MAPATO.



WAZIRI wa nchi ofisi ya Rais Tawala za mikoa Serikali za mitaa na Idara Maalum za SMZ, Mh Masoud Ali Mohammed, ameagiza kusimamishwa kazi na wengine kuondolewa, wasimamizi wakuu wa mapato na usafi katika Manispaa na Mabaraza ya miji.

Akizungumza katika kikao maalum Afisini kwake Vuga, amesema hatua hiyo ya kuondolewa na kusimashwa kazi kwa wasimamizi hao ni kutokana na serikali kotoridhishwa na hali ya usafi wa mji, na upotevu wa mapato katika mabaraza ya miji Pemba.

Agizo jengine la Serikali ni kuondolewa waendesha bodaboda katika maeneo ya michenzani na kuhamishiwa eneo la maegesho maduka mapya darajani Souk, sambamba na kuhamishiwa katika soko la welezo  wafanyabiashara ndogo ndogo maeneo michenzani na mwembetanga.

Aidha waziri Masoud ameagiza kwa kamati za ulinzi na usalama za wilaya kusimamia Opersheni maalum za kupambana na kuwadhibiti wahalifu wanaondesha vitendo vya uporaji na kuwajeruhi wananchi wasio na hatia.

Katika kikao hicho kilichowashirikisha wakuu wa mikoa, Wakuu wa wilaya, wakurugenzi wa manispaa, mabaraza ya miji na wenyeviti wa waendesha boda boda na wafanyabiasha ndogondogo, waziri ameeleza kuwa hatua zilizochukiwa na serikali zimelenga kuimarisha hali ya usafi na usalama katika nchi.

Nae mkuu wa mkoa mjini magharibi, ambae anakaimu mkoa wa kusini na kaskazini Unguja, Idrisa Kitwana Mustafa, amepongeza hatua ya serikali ya kuongeza nguvu katika suala la usafi kwa kuratibiwa na Idara maalum za SMZ.
Mwisho

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more