USHIRIKISHWAJI WA VIJANA WANAWAKE KATIKA SIASA,NGAZI ZA UONGOZI NA MAAMUZI.


Na Riziki Abdalla

KATIKA  karne ya 21, adhma ya kufikia usawa wa kijinsia imekuwa ni agenda inayotiliwa mkazo kimataifa na kitaifa kuhakikisha wanawake wanashiriki kikamilifu katika ngazi za uongozi na za maamuzi hususani ndani ya vyama vya siasa. 


Takwimu zinaonesha kuwa idadi ya wanawake imekuwa ikiongezeka zaidi kuliko ya wanaume. Katika sensa ya mwaka 2022, Zanzibar ina jumla ya watu 1,889,773  kati ya hao wanawake ni 974,281 sawa na asilimia 52 ya  watu wote. Takwimu hizi zinaonesha kwa kiasi gani suala la kuzingatia ushirikishwaji wa wanawake katika mambo ya maamuzi na uongozi ni jambo lisiloweza kuepukika. 

Pamoja na uwepo wa idadi kubwa ya wanawake bado ushiriki wao katika ulingo wa uongozi umekuwa ni mdogo sana , ila dhana hii imeanza kufanyiwa mageuzi makubwa kupitia Jimbo la Fuoni Katika Jumuiya Ya Umoja Wa Vijana Wa Chama Cha Mapinduzi (UVCCM) kuwa na idadi kubwa ya viongozi wanawake hususani katika nafasi ya katibu kuanzia matawi, wadi hadi Jimbo.


Jimbo la Fuoni lina jumla ya matawi tisa (9) wakiwemo makatibu 5 wanawake, wadi tatu (3) ikiwa na makatibu wanawake watatu na Jimbo kukiwa na katibu hamasa mmoja mwanamke ukilinganisha na majimbo mengine yanayopatikana ndani ya wilaya ya Dimani kupitia tiketi ya Chama cha Mapinduzi. ‘’ moja ya sababu zilizopelekea kuwa na wanawake wengi kwa nafasi ya utendaji katika jumuiya ua vijana ndani ya jimbo la Fuoni ni hamasa walizonazo wanawake wa jimbo langu katika ungozi”. Alisema Moh’d Simai Saleh ambae ni Mwenyekiti wa UVCCM Jimbo la Fuoni.

BAADHI YA MAKATIBU WA UVCCM JIMBO LA FUONI WAELEZA JINSI WALIVOPATA NAFASI HIZO NA USHIRIKISHWAJI WAO KATIKA UONGOZI NA MAAMUZI

 Nayla Juma Ali ambae ni katibu wa UVCCM tawi la Fuoni Migombani alieleza kuwa “kujiaminisha na uthubutu wa utendaji kazi kwa weledi katika uongozi ndio uliotufanya tuaminiwe na wajumbe tunaowaongoza katika matawi yetu bila kujali utofauti wetu wa kijinsia”

Nae Sabrina Hashir Mussa ambae ni katibu wa UVCCM wadi ya Fuoni Kibondeni alisema kuwa “jambo pekee lililonifikisha hapa ni utayari pamoja kujitambua kwa kile nilichokusudia kukifanya ndani ya wadi yangu” pia aliongeza kwa kusema kuwa “ kutokana na ushirikishwaji wetu kwenye sehemu za maamuzi kumepelekea maendeleo makubwa sana ndani ya jimbo la Fuoni na kwa vijana wenzetu kwa ujumla”

Miongoni mwa mambo waliyoyafanya kwa vijana wenzao wa jimbo la Fuoni ni pamoja na kuanzisha hamasa na makongamano mbalimbali kwa vijana ili kuwashirikisha vijana hao hususani wanawake kwenye nafasi za uongozi pamoja na kujiendeleza kimaisha “tumeweza kuanzisha kikundi cha DIRA YA MAFANIKIO ambacho kinajishuhulisha na ufugaji wa majongoo, mapishi na kilimo ili kumsaidia kijana kujikomboa na umaskini” alisema Sharifa Haji Suleiman ambae ni katibu wa UVCCM Wadi ya Fuoni Mambosasa.

Licha ya mafanikio ya kimaendeleo yanayofanywa na uwepo wa ushirikishwaji wa viongozi hao wanawake katika Jimbo la Fuoni, bado wanakumbana na changamoto nyingi sana katika harakati za uongozi wao “ changamoto kuu tunayokumbana nayo ni  kutoaminiwa kutokana na mtazamo hasi watu walionao kwa kudhani kuwa wanawake hawawezi kuongoza kama wanavowaamini wanaume kwenye uongozi” alisema Sabrina.

Nae katibu wa UVCCM Jimbo la Fuoni ndugu Paul Semon Buchumi alimalizia kwa kusema kuwa “tutahakiksha tunashirikiana nao bega kwa bega kwenye kila changamoto wanazopitia makatibu wetu kwenye harakati zao za utendaji pamoja na kufikisha changamoto hizo sehemu husika pale ambapo kwa ngazi ya Jimbo zitashindikana”  

Kwa kutambua umuhimu wa mwanamke sera na sheria mbalimbali za Zanzibar zimeeleza kuhusu haki ya wanawake kushiriki katika uongozi na maamuzi, sera na sheria hizo ni pamoja Katiba ya Zanzibar, Dira ya Zanzibar 2020, sera ya jinsia ya Zanzibar, sheria ya vyama vya siasa ya uchaguzi ya Zanzibar nakadhalika.


Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more