USAWA WA KIJINSIA KWENYE VYOMBO VYA MAAMUZI NDIO NYENZO MAMA YA WANAWAKE NA UONGOZI.

NA, RIZIKI ABDALLA- UNGUJA 

"MOJA ya nyenzo mama ya kuwawezesha wanawake katika kufikia asilimia 50 kwa 50 katika harakati za uongozi ni kuwepo na usawa wa kijinsia kwenye vyombo vya maamuzi". Amesema hayo ndugu Khamis Ali Rashid ambae ni Mratibu wa mradi wa kuwainua wanawake kiuongozi (SWIL- Strengthen Women In Leadership) kwa upande wa ZAFELA katika muendelezo wa kuwajengea uwezo wanawake katika masuala ya kiuongozi uliofanyika katika ukumbi wa ZSSF  Kariakoo Mjini Zanzibar.


Muendelezo huo umewakutanisha wanawake mbalimbali wa vyama vya siasa vya Zanzibar ikiwemo CCM, CUF, CHADEMA, UDP, ACT WAZALENDO na vyenginevyo kwa lengo la kujadili mikakati na  mbinu mbalimbali za kuweka mazingira rafiki kwa wanawake kushiriki kwenye masuala ya uongozi na demokrasia ili kuweza kufikia malengo yao pamoja na kutathmini changamoto wanazokumbana nazo katika harakati za kujipanga kwenye kuwania nafasi za uongozi na jinsi ya kuzitatua changamoto hizo. "Ni vyema tukajadili kwa pamoja changamoto tunazokumbana nazo ili kujuwa wapi turekebishe na wapi tuekane sawa kwenye harakati zetu za uongozi" alisema ndugu Maryam Ame  ambae ni Mratibu wa Mradi wa SWIL kwa upande TAMWA.

Pia mkutano huo umewajumuisha viongozi mbalimbali kutoka vyama vya siasa vya Zanzibar kwa lengo la kuwapa mafunzo na nasaha juu ya masuala ya kuwawezesha wanawake hao kiuongozi na kutoa utatuzi wa zile changamoto wanazopitia katika kuwania nafasi hizo. Miongoni mwa viongozi waliohudhuria ni Salum Mwalimu Juma ambae ni Naibu Katibu Mkuu wa Chama Cha Demokrasia na Maendeleo (CHADEMA) Zanzibar " kwa morali hii tulioiona kutoka kwenu tunaimani ya kuwa hadi kufika 2025 hamasa kubwa ya wanawake katika kugombea nafasi za uongozi itaongozeka kwa asilimia kubwa" pia aliongeza kwa kusema  " sisi kama CHADEMA tupo tayari kuwasaidia na kuwasimamia kwa kila hatua mtayotaka kupitia ili kuwania nafasi hizo ikiwa tu utakidhi vigezo vya kuwania nafasi hizo"

Nae ndugu Khamis Mbeto Khamis ambae ni Katibu wa Kamati maalum ya NEC, Idara ya Itikadi na Uenezi CCM Zanzibar amesema  "si Chama Cha Mapinduzi tu bali hata vyama vyengine vya siasa vya Zanzibar vihakikishe kuwa wanawake wanapatiwa nafasi za uongozi kuanzia ngazi ya Mwenyekiti na nyenginezo ikiwa uwezo wanao" pia alimalizia kwa kusema " ili kupata viongozi waliowiva katika kuongoza ni lazima waandaliwe mapema kwa misingi iliyo imara kama hivi munavofanya ZAFELA,  TAMWA na PEGAO"

Miongoni mwa wanufaika wa mradi huo ambao walipatiwa mafunzo nao wanaeleza kuwa "wanawake tusijifiche ni lazima tujitokeze kuonesha kuwa tunaweza na changamoto tunazopitia basi tuzifanye kuwa fursa ya kupiga hatua nyengine mbele" alisema Zainab Saleh Salum ambae ni Mwanafunzi wa Chuo Kikuu cha Zanzibar. Nae Khayam Mustafa Yakuti ambae ni Mwenyekiti wa UVCCM Jimbo la Malindi aliongeza kwa kusema "hadi hatua hii tuliyofikia hakuna sababu ya kutufanya sisi wanawake kutopeperusha bendera za vyama vyetu katika marimba yetu ifikapo 2025 ikiwa tufata vyema taratibu na kanuni za katiba za vyama vyetu tunavyovipigania".

Pia Bi Naima Salum Hamad kutoka chama cha UDP ambae aliwahi kugombania nafasi ya Spika wa Baraza La Wawakilishi Zanzibar 2020 alimalizia kwa kusema kuwa "kama wanawake ni lazima tushirikiane kwa pamoja katika kuleta maendeleo ya nchi yetu kupitia vyama vyetu vya siasa bila kujali mila wala itikadi zetu katika uongozi, kwani maendeleo ya wote huletwa na wote".

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more