JUMLA YA VIKUNDI 42 VYA KIJALUBA VIMEPATIWA VITENDEA KAZI KWA AJILI YA KUANZA KWA UTEKELEZAJI WA MRADI


Na- ASHA AHMED  

 VIKUNDI 42 vya Unguja na Pemba vimekabidhiwa visanduku maalum ambavyo vimekusanya vifaa mbalimbali kwa ajili ya kuanza rasmi utekeleza wa mradi wa Kijaluba.

Akizungumza na wahusika wa vikundi hivyo, mratibu wa mradi huo kutoka TAMWA Zanzibar Nairat Ali, alisema kwa upande wa Unguja wana jumla ya vikundi 20 na kwa upande wa Pemba ni 22 ambavyo awamu hii ya majaribio itakuwa na vikundi 42.


Aidha alisema ili kuona kuwa vikundi hivyo vinaendelea kufanya kazi zao walizokusudia katika mradi huo wamekabidhi visanduku kwa ajili ya watu kuanza kuweka hakiba (hisa) ili kuweza kujiimarisha kiuchumi.

Alisema katika vitendea kazi vilivyokabidhiwa ni pamoja na kalkuleta ambazo zitawasaidia katika kupanga mahesabu yao, buku kwa ajili ya kuhifadhia taarifa zao, vibuku vidogo vidogo kwa kila mwanachama, na kufuli tatu kwa ajili ya usalama wa kisanduku, mistari, kalamu, wino wa kufutia na muhuri kwa ajili ya kuonesha idadi ya hisa alizonazo mwanachama.

Msaidizi wa mradi wa KIJALUBA ndugu Khairat Haji, alisema, Tamwa Zanzibar kupitia mradi wa kijaluba, wamejipanga kutumia vyombo vya habari katika kupaza sauti kupitia watu wenye ulemavu kuhakikisha kuwa wanatetea haki zao na kuonesha nguvu zao katika jamii katika kufikia malengo endelevu.

Alisema vitu vilivyokabidhiwa ni moyo wa vikundi kwani ili kikundi kiweze kuendelea ni lazima kuwe na vitendea kazi ambavyo wamekabidhiwa hivyo aliwahimiza wanakikundi kuvitunza na kuvitumia vifaa hivyo  ili lengo lilokusudiwa liweze kufikiwa.

Khairat aliongeza kuwa lengo hasa ni kuwanyanyua watu wenye ulemavu kiuchumi na kuwafanya wajulikane katika jamii, kuwa wanaweza na wanaweza kujitegemea na kuepukana na utegemezi na dhana potofu kuwa watu wenye ulemavu ni wa kusaidiwa tu.


Alisema mipango yao hasa ni kusimamia na kuhakikisha kwamba kila kitu kinachohusiana na mradi ikiwemo sheria na kanuni zilizopo na malengo yanafikiwa kwa wakati.

"Lengo letu ni kuona malengo tunayafikia ili tuweze kuendelea na mradi huu kwani tukumbuke kuwa mradi huu ni wa majaribio kwa muda wa miaka miwili" alisema.

Ndugu Ali Machano ambae ni afisa mradi kutoka Shirikisho la Jumuiya za Watu wenye Ulemavu Zanzibar alisema katika uanzaji wa mradi pia watatoa mafunzo kwa walimu wa ndani ya shehia pamoja na wawakilishaji wa jumuiya ya watu wenye ulemavu kwa ajili ya kuwafundisha namna ya kufanya utaratibu wa kuweka na kukopa kwa mujibu wa taratibu zilizowekwa na mradi wa kijaluba na wafadhili wao wa chama cha watu wenye ulemavu cha norwe.

Bi Nairat Ali alifahamisha kuwa mafunzo hayo yatakuwa kwa ajili ya kuwafundisha walimu lengo ni kujua jinsi ya utekelezaji wa mradi kwani wao ni wasimamizi wakuu katika shehia na badae wataripoti kwa ofisa wa fildi.

Nao, wanakikundi cha TUSTAHAMILI kilichopo Mtende wilaya ya Kusini Unguja walisema wamefurahishwa na uwepo wa mradi huo na kusema kuwa mradi utawasaidia sana katika kujikwamua na umasikini.

Kikundi cha TUJIKOMBOE kilichopo katika shehia ya Ngananani  wilaya ya Kusini Unguja waliahidi kuvitumia na kuvitunza vifaa walivyokabidhiwa ili lengo la mradi liweze kufikiwa.

Mradi wa Kijaluba ni mradi wa kuwasaidia watu wenye ulemavu kiuchumi ambao unatekelezwa kwa mashirikiano na TAMWA Zanzibar pamoja Shirikisho la Jumuiya za Watu wenye Ulemavu Zanzibar kwa ufadhili wa Chama cha watu wenye Ulemavu cha Norway.

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more