JAMII YAASWA UJUMUISHAJI WA WATU WENYE ULEMAVU HASA WANAWAKE KATIKA NAFASI ZA UONGOZI


Na Masoud Juma, Unguja.

Jamii imetakiwa kuwajumuisha watu wenye ulemavu hasa wanawake katika masuala mbali mbali ya maendeleo hapa nchini ikiwemo katika Nyanja za kijamii, kiuchumi. 


Wito huo umetolewa na Mwenyekiti wa Shirikisho la Jumuiya za Watu Wenye Ulemavu Zanzibar (SHIJUWAZA) bi Mwandawa Khamis wakati wa mahojiano huko katika ofisi zake zilizopo Mombasa  wilaya ya Magharibi “B” Unguja.

Bi Mwandawa anasemaa kuwa watu wenye ulemavu ni watu wenye uwezo mkubwa wa kiakili na fikra, hivyo mapungufu yao yasiwakoseshe haki ya kuiletea maendeleo jamii yao ama kutengwa na kuonekana kama watu wasioweza.

“ulemavu sio ugonjwa, ni mapungufu ambayo mtu huzaliwa nayo ama humkumba wakati wa makuzi yake, hivyo ni bora jamii ikaangalia utu kwanza na kumuheshimu mtu mwenye ulemavu na kumshirikisha katika shughuli mbalimbali za kimaendeleo” anasema.

Bi Mwandawa ni mtu mwenye ulemavu na ni mwanaharakati wa muda mrefu wa kutetea haki za watu wenye ulemavu hapa Zanzibar na anasema hali yake ya ulemavu haimzuii kuwa kiongozi bora wa kusimamia taasisi kubwa kama SHIJUWAZA ambayo inajumuisha takriban jumuiya 12 za watu wenye ulemavu.

“mimi ni mtu mwenye ulemavu wa mguu, na ni mwanamke lakini nna uwezo mkubwa wa kifikra wa kusaidia taasisi yangu isonge mbele, hivyo sioni sababu ya kuwaficha ama kuwatenga watu wenye ulemavu hasa hawa wa kike katika kusaidia maendeleo ya nchi yao”.

Ndugu Mohammed Ali Vuaa ni mtu mwenye ulemavu wa uoni na ni mfanyakazi katika Shirikisho la Jumuiya Watu Wenye Ulemavu Zanzibar anasema kuwa ni muhimu kuwa na jamii jumuishi kwani itasaidia kuwainua watu wenye ulemavu na kuacha kuwa tegemezi, Mohammed anatilia mkazo pia suala la kuwashirikisha zaidi watu wenye ulemavu wanawake kwani wao ndio hukumbwa zaidi na changamoto ya kufungiwa na hata kukosa haki ya msingi ya kupata elimu.

“kwa mfano tunae katibu mkuu pale wizarani bi Abeda ni mtu mwenye ulemavu, lakini anapiga kazi kweli na hiyo iwe ni mfano tosha kwa jamii hata kwa serikali yetu pia kutokuwaacha nyuma watu wenye ulemavu kwani wanao mchango mkubwa katika ujenzi wa taifa hili”

Mohammed alisisitiza kuwa ili ujumuishi upatikane ni lazima pia kuzingatia kila kitu  kiwe ni kwa ajili ya watu wote akitolea mfano hata aina ya majengo yanayojengwa yawe na miundombinu ambayo kila mtu atafikia bila kupata kikwazo chochote.

Nae Mwenyekiti wa  Baraza la Taifa la Watu wenye Ulemavu Zanzibar bi Salma Saadat anasema yeye anamshukuru Rais Mwinyi  kwa kumpatia nafasi hiyo ya kuliongoza baraza ambalo kwa ujumla anapata nafasi ya kutatua changamoto mbali mbali za watu wenye ulemavu, hivyo ametoa rai hata kwa taasisi binafsi kuendelea kuwaamini watu wenye ulemavu hasa wanawake kwani ni watendaji wazuri.

Kwa upande wake mwenyekiti wa SHIJUWAZA bi Mwandawa ameiomba serikali kusimamia masuala ya ujumuishaji ikiwemo miundombinu, mafunzo ya lugha za alama, kutoa nafasi za uongozi ili kuionesha jamii kwamba watu wenye ulemavu si watu wa kupewa tu bali na wao wanaweza kuwa ni sehemu ya maendeleo ya taifa ikiwa watawekewa mazingira wezeshi.

Mwishoni mwa mwaka 2022 Serikali  ya Mapiduzi Zanzibar ilipitisha sheria mpya ya watu wenye ulemavu ambayo kwa kiasi kikubwa imetatua changamoto mbalimbali na kuweka misingi mizuri kwa ajili ya kuwainua watu wenye ulemavu katika sekta mbalimbali.

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more