WANAWAKE WAJASIRIAMALI WATAKIWA KUTUMIA VIZURI TEKNOLOJIA ILI KUJINUFAISHA KATIKA BIASHARA ZAO.


NA  MASSOUD JUMA , UNGUJA.

Naibu Spika wa Baraza la Wawakilishi Zanzibar Mheshmiwa Mgeni Hassan Juma amewataka wajasiriamali wanawake kutumia vizuri teknolojia na mitandao ya kijamii  na kuangalia ni kwa namna gani teknolojia hiyo inaweza kuwasaidia kukuza biashara zao na ustawi wa jamii kwa ujumla.

Mheshmiwa Mgeni alitoa wito huo wakati  akifungua rasmi Jukwaa la pili la wajasiriamali Zanzibar lililoandaliwa na taasisi ya The Warrior Women Foundation lililofanyika siku ya Jumamosi ya tarehe 11 mwezi wa 3 mwaka 2023  huko katika ukumbi wa Bolilo Bwawani Mjini Unguja.

Katika shughuli hiyo Mheshmiwa Mgeni aliwaasa wajasirimali kujiamini na kusimama imara katika kutekeleza majukumu yao na shughuli mbalimbali za ujasiriamali.


Katika jukwaa hilo Mheshmiwa Mgeni alisema kuwa kuna changamoto kubwa ya masoko kwa wajasiriamali wa zanzibar ambalo linasababishwa na vitu mbali ikiwemo namna ya kuhifadhi bidhaa,utafutaji wa rasilimali na nyenginezo , hivyo aliwataka wakufunzi  waliohudhuria katika jukwaa hilo wawasaidie wajasiriamali hao wadogo ni kwa namna gani wanaweza kupata masoko ambayo ni endelevu.

Aidha Mheshmiwa Mgeni aliwataka wajasiriamali kuwa wabunifu na  kutumia fursa ya utamaduni wetu wa mzanzbari kutengeneza bidhaa mbalimbali zitakazovutia soko la nje ya nchi na hivyo itasaidia pia kutangaza utamaduni wetu.

Nae Mrajis wa asasi za kiraia ndugu Ahmed Khalid amesema serikali inathamini sana juhudi za wajasiriamali nchini  na ndio maana serikali ya awamu ya nane inafanya  jitihada ya kutaka kuwatambua rasmi wajasiriamali wote  wa zanzibar.

Mrajis aliongeza kuwa ni muhimu kwa wajasiriamali kutumia fursa ya jukwaa hilo kujifunza masuala ya ujasiriamali ili kuweza kuboresha shughuli zao.

Akielezea lengo la kuanzishwa kwa jukwaa hilo Mkurugenzi Muanzilishi wa taasisi ya The Warrior Women Foundation bi Sabra Issa Machano alisema kuwa lengo la kuanzishwa kwa jukwaa hilo ni kuwasaidia wajasiriamali wadogo na kuwaonesha fursa mbalimbali pamoja na kupewa mafunzo kuhusu fedha na namna ya kukuza biashara zao.

Bi Sabra aliongeza kuwa changamoto kubwa inayowakumba wajasiriamali ni afya  zao hasa ya akili na msongo wa mawazo lakini pia kukosa elimu ya namna mbalimbali za kupita ili kuendeleza biashara zao.


Bi Lailat Dude ni mjasiriamali mdogo, nae alisema anaishukuru sana taasisi ya The Warrior Women Foundation kwani ameongeza fikra na uelewa na namna sahihi ya kutumia mtandao ili kujinufaisha kiuchumi na anaamini hiyo itakua ni njia sahihi ya kumkuza katika biashara zake. 

Bi Hafsa Said ambae ni mjasiriamali nae alisema amefaidika sana na elimu aliyoipata hapo kwani amepata kujifunza mambo mbali mbali ya namna ya utunzaji fedha lakini pia kufahamu umuhimu wa afya yake kama mwanamke .

Bila ya shaka majukwaa kama haya ni muhimu sana katika kukuza uelewa wa wanawake katika masuala mbali mbali hasa ya kiuchumi lakini pia yanawasaidia kukutana na wadau na kuongeza fursa katika kujifunza zaidi kwenye mambo yanayohusu maisha yao.


Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more