KITUO CHA HUDUMA RAFIKI CHAZINDULIWA BUMBWISUDI.

NA KHAIRAT HAJI, UNGUJA. 

UMOJA  wa Mataifa wa idadi ya watu UNFPA na shirika la Mfuko wa kimataifa wa watoto UNICEF wamezindua rasmi kiliniki ya huduma rafiki kwa vijana huko Bumbwisudi wilaya ya Magharibi “A” Unguja.

Kliniki hiyo imezinduliwa rasmi na waziri wa afya Zanzibar Mheshmiwa Nassor Ahmed Mazrui tarehe 15/02/2023  ambapo imekarabatiwa chini ya mradi wa Wezesha Wasichana ambao unafadhiliwa na serikali ya Canada.

Katika uzinduzi huo, UNFPA iliikabidhi wizara ya afya mashine mbili za ultra sound zitakazowasaidia kina mama wajawazito ili kubaini matataizo na kusaidia kupatikana kwa mimba salama.

Akizungumza wakati wa uzinduzi huo Mheshmiwa Mazrui alisema kuwa kliniki hiyo ya kituo cha huduma rafiki kwa vijana itawawezesha vijana kupata taarifa kwa wakati na huduma za kitaalam ili kupunguza madhara ya kiafya yanayosababishwa na kutumia njia za uzazi wa mpango bila ya kufuata ushauri maalum wa wataalam wa afya.


Aidha, mwakilishi mkaazi wa UNFPA , Jamhuri ya Muungano wa Tanzania ndugu Mark Bryan Schreiner amesema idadi ya vijana wenye nguvu nchini imeongezeka, hivyo vijana wanahitaji kupata huduma na taarifa ili kuwasaidia kufanya maamuzi sahihi ikiwa ni pamoja na kuhusu afya ya uzazi.

Wezesha Wasichana ni mradi wa miaka mitano unaolenga kuboresha afya ya jinsia na uzazi, haki na ustawi miongoni mwa wasichana walio katika mazingira magumu katika wilaya 22 za mikoa ya Songwe, Mbeya na Zanzibar ambapo mpaka sasa kliniki tano za huduma za vijana zimeshakarabatiwa.

Mwisho

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more