DK MZURI ATILIA MKAZO SERA YA JINSIA KATIKA VYOMBO VYA HABARI, KUMALIZA UDHALILISHAJI MAOFISINI LAZIMA ITUMIKE IPASAVYO

NA KHAIRAT HAJI,  UNGUJA 

MKURUGENZI  wa Chama Cha Waandishi wa Habari Wanawake Tanzania Tamwa Zanzibar, Dk Mzuri Issa Ali Amesema sera ya jinsia kazini ndio chachu  ya kupunguza masuala ya udhalilishaji  maofisini. 

Dk Mzuri ameyasema wakati wa uwasilishaji ripoti za madawati ya jinsia yaliyomo ndani ya vyombo vya habari   ambavyo vilipatiwa mafunzo  na Tamwa Zanzibar, yaliofanyika huko   ofisini kwao Tunguu, Unguja. 
.

Dk Mzuri  ameongeza kuwa sera na madawati ya jinsia yanatakiwa kuwa ndio macho na masikio ya kuhakikisha  kuwa masuala ya kijinsia yanaripotiwa  vizuri maofisini. 

Aidha Dk Mzuri amesema kuwepo kwa sera ya jinsia na madawati yake katika vyombo vya habari  kutasaidia sana kuhakikisha kuwa habari za jinsia zinaripotiwa ipasavyo . 

Ndugu Husna Mohammed ambae ni mkuu wa dawati la jinsia katika gazeti la Zanzibar leo amesema  anaishukuru sana  Tamwa Zanzibar kwa kuwapatia mafunzo ya kuanzisha sera ya jinsia kwani  mafunzo hayo yamekuwa ni chachu pia ya  kuanzishwa kwa Gazeti maalum la wanawake ambalo hutolewa  kila mwisho wa mwezi. .

Said Omar kutoka Radio Jamii Mkoani Pemba, Amesema kuwa yeye kama Mhariri Mkuu wa Radio hiyo atajitahidi kuhakikisha kuwa sera hiyo  inatekelezwa ipasavyo. 

Aidha Ndugu Maryam Ame afisa mradi wa kuongeza nafasi za wanawake katika uongozi kutoka Tamwa Zanzibar amewataka wakuu na wajumbe wa madawati hayo kuzungumza  na  viongozi wao na kuona ni kwa namna  gani madawati  hayo yanakuwa na mamlaka katika utekelezaji wake kwa watendaji wa vyombo vya habari.
 Afisa Mdhamini wa Baraza la Habari Tanzania Shifaa Hassan ametoa wito kwa wahariri na watendaji wa vyombo vya Habari kuimarisha Sera ya jinsia na kamwe isibaki katika mafaili bali ifanyiwe kazi kwa vitendo. 

Sera ya jinsia katika vyombo vya habari ni muongozo wa mwenendo wa utendaji kwa wamiliki wa vyombo vya habari pamoja na wafanyakazi wote ambayo itatengeneza  mazingira mazuri salama na bora kwa ajili ya kufanya kazi ndani  ya vyombo  vya habari.

Mafunzo ya kuanzisha Sera ya Jinsia katika vyombo vya habari kwa viongozi na waandishi wa habari  yametolewa na  Tamwa  Zanzibar   mwezi Agosti mwaka 2022  kwajili ya kupunguza  masuala ya udhalilishaji na kuongeza hadhi kwa watendaji wa kike, na mpaka sasa takriban  vyombo vya  habari 6 Zanzibar  vimeshawasilisha Sera hiyo Kwa Tamwa Zanzibar.

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more