Mama Mariam Atoa neno kwa Wakulima wa Mwani Pemba

FATMA SULEIMAN -PEMBA.

Mke wa Rais wa Zanzibar na Mwenyekiti wa Baraza la Mapinduzi ambae ni Muasisi na Mwenyekiti wa Taasisi ya Zanzibar Maisha bora Foundation Mama Mariam  Mwinyi amewataka Wakulima wa zao la Mwani kuwashawishi vijana kujikita katika ukulima wa zao hilo ili kuweza kujikwamua na Umaskini .

Alisema zaidi ya asilimia 90 ya wakulima wa mwani ni wanawake hivyo ,waitumie mbinu ya Umama ili kuwashawishi na kuwahamasisha Vijana kuweza kulima zao hilo ,kwani ni kilimo  chenye matokeo mazuri .

Mama Mariyam aliyaeleza hayo huko Kisiwani Pemba wakati alipokua akikabidhi vifaa vya ukulima wa zao hilo kwa vikundi mbalimbali vya mkoa wa Kusini Pemba  ikiwa ni ziara maalum   ya kugawa vifaa  kwa wakulima wa Mwani, Pamoja na Watu wenye Mahitaji Maalum. 

Mwenyekiti huyo wa taasisi ya Zanzibar maisha bora  aliwataka Wakulima hao kuvitunza vifaa walivyopewa ili kufikia malengo yaliyokusudiwa.

"Nawaomba Wakulima ambao leo mumepata vifaa hivi muendelee kuvitunza ili viwe endelevu na kuwafaidisha kwa muda mrefu", alisema.

Aliwasihi kuwa na ari kubwa ya kufanya kazi ya ukulima huo kwani kufanya hivyo wataweza kupata wavumo mazuri huku ikimpa nguvu na moyo yeye kama Mwenyekiti kuona sasa wakulima wamepatiwa Ari ya kufanya kazi.

"Mukizidisha bidii na moyo wa kujituma zaidi katika kilimo hicho hata mimi nitapata hamasa kubwa zaidi ya kuwasaidia ", alieleza.

Mapema Waziri wa uvuvi na uchumi wa buluu Mh Suleiman Masoud  Makame alimpongeza Mwenyekiti huyo kwa kuzisikiliza changamoto za wakulima hao na kuzitekeleza kwa vitendo.

Awali Mkuu wa Mkoa wa kusini Pemba Mattar Zahor Masoud alisema anafarajika sana kuona Mama Mariyam Mwinyi ana mapenzi makubwa na Wazanzibar huku akiahidi atafutilia vikundi vyote waliyopewa vifaa ili kuona ni namna  gani wanavifanyia kazi na kuleta matunda mazuri.

Kwa upande wao wakulima hao walimpongeza Mwenyekiti huyo wa taasisi ya Maisha bora Foundation kwa msaada huo aliowapatia  na waliahidi kuvitunza na kuvitumia kama ilivyo kusudiwa.

Vifaa vilivogaiwa kwa Wanavikundi hao boti kubwa 1 na vihori viwili ,vifaa vya uokozi (life jacket) ,Kamba ,mashine mbili za kusagia mwani ,mashine mbili za kuchanganyia utengezaji wa sabuni pamoja na Viatu kwa wakulima wa mwani .
                   MWISHO.

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more