Viongozi wa chama waaswa na Jeshi la Polisi.

Na Amina Ahmed Moh'd.

JESHI la polisi Mkoa wa kusini Pemba  limewashikilia na kuwahoji  watu wawili  kwa tuhuma za kutoa maneno ya  uchochezi na  matusi  dhidi ya   viongozi wa Serikali ya Mapinduzi ya Zanzibar juu ya  kupinga uteuzi wa Mkurugenzi  Mkuu wa Tume ya Uchaguzi Zanzibar Ndugu Thabit Idarous faina na kusambaza kashfa  na maneno hayo katika mitandao ya kijamii .

 Watu hao  ambao  ni Salum Abdalla Herezi (maarufu Mwalim  Herezi ) ( 65 ) ambae ni mjumbe  wa kamati ya uongozi jimbo la Mtambile  Kupitia  chama cha ACT wazalendo mkaazi  wa Mjimbini  wilaya ya Mkoani  pamoja   Nachia  Ali Jamali ( 39)   mjumbe   wa kamaati ya fedha jiombo la Chamabani  kupitia chama hicho  mkaazi wa wambaa Mkoa wa Kusini Pemba.

Akitoa  Taarifa kwa  waandishi wa habari Kamanda wa Polisi Mkoa wa kusini Pemba  ACP Abdalla Hussein Mussa alisema  watu hao ambao ni wafuasi wa chama cha ACT wazalendo  wameshikiliwa siku ya tarehe 10  kwa nyakati tofauti  kufuatia doria maalum iliyofanywa na jeshi hilo  katika maeneo mbali mbali ya Mkoa huo  ikiwa ni  harakati maalum za kuendelea kuimarisha ulinzi na usalama katika maeneo tofauti  ndani ya Mkoa huo.
         ABDALLA HUSSEIN MUSSA   -ACP KUSINI PEMBA.

 Alisema  kuwa mnamo  siku ya tarehe 5/12 / 2022 majira ya saa nne mpka saa sita za mchana  katika ofisi za  chama cha ACT wazalendo  eneo la Mtambile   Mkoa wa kusini Pemba wakiwa   katika kikao cha ndani   ya chama hicho viongozi hao walitoa maneno ya kashfa  na matusi   dhidi ya viongozi wa chama cha Mapinduzi  na kusambaza katika mitandao ya kijamii Jambo ambalo ni kosa.

Aidha jeshi  hilo limesema  bado linaendelea na upelelezi juu ya suala hili na  mara jeshi litakapokamilisha upelelezi huo litakapofanikisha upelelezi huo hatua nyengine za kisheria zitachukuliwa ikiwemo kufikishwa mahakamani wale wote watakaotiwa hatiani Juu ya uchochezi  pamoja na usambazaji wa kashfa hizo katika mitandao ya kijamii.

Aidha Jeshi La polisi Mkoa wa kusini Pemba limewataka  Viongozi wa  vyama vya siasa  Kutumia vyema uhuru na  fursa iliyotolewa kufanya mikutano ya ndani kwa kuzinagatia sheria  kanuni na taratibu ya ufanyaji wa mikutano hiyo.

 Katika hatua nyengine kamanda huyo Alisema kuwa hali ya ulinzi na usalama katika Mkoa huo inendelea vyema  kutokana na mashirikiano yanaoendelea kutolewa na wananchi .

MWISHO

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more