MKURUGENZI ZRB PEMBA JAMAL HASSAN JAMAL ATOA ELIMU KWA WAFANYA BIASHARA WETE

Na AMINA AHMED MOH’D   PEMBA. 

MKURUGENZI wa Bodi ya Mapato Zanzibar (ZRB) Pemba, Jamal Hassan Jamal amewataka wafanya biashara waendelee kuiunga mkono serikali yao ya Mapinduzi ya Zanzibar kwa kulipa kodi kwa mujibu wa utaratibu na sheria zinavoelekeza.

Aliyasema hayo mara baada ya kuwatembelea wafanya biashara wa Mji wa Wee , ambapo ni utaratibu wao kila ifikapo Disemba ya kila mwaka kupita kwa wafanya biashara kutoa shukurani na kusikiliza changamoto, ushauri na maoni yao juu ya utendaji kazi wa ZRB.


Amesema, wafanya biashara wa Mji wa Wete kwa  asilimia kubwa wamefurahishwa na ujio wa watendaji wa ZRB ambapo wamefahamu kwamba bodi inafanya kitu kizuri cha kurejesha shukurani kwa wafanya biashara.

"Kiukweli tumefikia sehemu nzuri ZRB na wafanya biashara, tumechukua changamoto zao zinazotokana na sheria zetu za kodi, viwango vya tozo ambazo wanalipa, nyengine zinatokana na uwelewa mdogo ambapo tumechukua nafasi ya kuwapa elimu",alisema.

Aidha alisema, mbali ya kupita kwa wafanya biashara kutoa elimu ya kodi pamoja na kusikiliza shida zao, ZRB imejipanga kupita katika hospitali ya Abdalla Mzee Mkoani kutoa misaada, kutoa msaada wa chakula kwa watu wasiojiweza na kufanya mabonanza yatakayohamasisha jamii.

Hata hivyo aliwataka, wananchi kufahamu kwamba wafanya biashara ni wakala ambao wamechaguliwa tu na ZRB kukusanya kodi na kuiwasilisha katika taasisi husika, na kuelewa kuwa wanaolipa kodi ni wananchi na sio wafanya biashara hivyo lazima wanaponunua bidhaa wadai risiti ya kielektroniki.

Mmoja miongoni mwa wafanya Biashara   Katika Mji wa Wete  Sleiman Muhammed Anad ameitqka   ZRB, kuhakikisha kila mfanya biashara anatumia mashine ya kutoa risiti za kielektroniki anapouza bidhaa ili kuona kodi inaingia katika taasisi husika kama malengo yalivopangwa.


"Ni vizuri ikiwa ZRB itamuweka mfanya biashara kila mmoja katika sehemu yake katika utaratibu wa kulipa kodi bila ya kufanya ubaguzi hapo tutakwenda sawa na hatutoacha kushirikiana na ZRB", alisema.

Nae Mfanya biashara  Salim Awadh Omar  alisisitiza, ZRB kusimamia suala la kulipa vati kwa usawa kwa  wafanya biashara wote  ili kuepusha kuuza bidhaa kwa bei zisizo elekezi. 

Nae  Sleiman Hemed Hamad  Ambae ni mfanya biashara  Katika mji huo Wameitaka  kuwapunguzia tozo wanazolipia kwani alisema, wafanya biashara wengine tozo ni kubwa ikilinganishwa na mauzo wanayouza kwa mwezi.

Mfanya biashara  Moza Omar Said  Sheha aliwataka Watendaji hao kuweka utaratibu maalum wa kuwakumbusha ulipaji deni  wa wafanya biashara ili kuepeusha kulupa faini wanapochelewa  ambapo alisema baadhi ya wafanya biashara wanaghaflika  na kusahau. 



                          MWISHO.

Comments

Post a Comment

Popular posts from this blog

BARABARA 19 KUJENGWA KWA KIWANGO CHA LAMI PEMBA KUKAMILIKA DISEMBA 2024.

Image
NA,AMINA AHMED MOH'D. JUMLA ya barabara 19  kutoka maeneo mbali mbali kusini na kaskazini Pemba ambazo zitakuwa na urefu kilo mita 99.4  zinatarajiwa  kujengwa  kwa kiwango cha lami  na kukamilika ujenzi wake mwezi Disemba mwaka huu 2024 . Barabara  zenye  urefu tofauti ikiwemo   kubwa  yenye kilo mita  12  kutoka Konde  makangale mnarani  ni mkakati maalum uliowekwa na  serikali ya mapinduzi ya zanzibar kupitia mwaka mpya wa bajeti unaoanza  mwezi july   . Akizungumza mara baada ya kumaliza ziara maalum  ya kuangalia  utekelezaji  wa sekta ya  barabara  na  bandari kisiwani humo  katibu mkuu wizara ya mawasiliano ujenzi  na uchukuzi Zanzibar  Dk Mngereza  Mzee Miraji  amesema kuwa  serikali imedhamiria kuzikamilisha kwa wakati  barabara hizo za kimkakati zilizowekwa na  wizara hiyo kupitia bajeti mpya  .     ...
Read more

WAZAZI ZIDISHENI KUFUATILIA NYENENDO ZA WATOTO HUSUSAN NI VIJANA .

Na Amina Ahmed Muhamed Pemba. WAZAZI na walezi  wameatakiwa kufuatilia kwa ukaribu nyenendo  na tabia za watoto  pamoja na  vijana  wao  ili kuwanusuru kujiingiza katika tabia hatarishi za kutumia madawa ya kulevya  . Kauli hiyo imetolewa na  waziri wa nchi ofisi ya makamu wa kwanza wa rais zanzibar Harus Said Suleiman katika ufunguzi wa kongamano  la maadhimisho ya siku ya kupiga vita  matumizi  na  usafirishaji wa dawa za kulevya duniani lililoanadaliwa  na mamlaka ya kudhibiti na kupambana na dawa za kulevya zanzibar katika  ukumbi wa makonyo wawi chake chake mapema leo. Amesema  bado kuna changamoto kubwa katika malezi na usimamizi wa watoto hususan ni kundi la vijana  jambo ambalo  linapelekea kuwa na idadi kubwa ya  vijana wanaotumia madawa ya kulevya na kupelekea kuharibu  maisha yao kwa kujiingiza katika vitendo viovu ikiwemo wizi .   "Bado kuna tatizo katika kusimamia malezi husu...
Read more

UONGOZI WA WILAYA CHAKE CHAKE KFHI WAPONGEZA JUHUDI

Image
Na Amina Ahmed Moh'd ,Pemba. Pemba UONGOZI wa wilaya ya Chake chake Mkoa wa Kusini Pemba umesema unaendelea kutambua na kuuthamini n a kuunga mkono mchango unaotolewa na Taasisi ya   " Korea friends of hope international" KFHI   kwa wananchi katika shughuli mbali mbali ikiwemo Kuwawezesha kiuchumi na kuwapatia misaada muhimu inayiwasaidia katika maisha.  Kauli hiyo imetolewa leo na mkuu wa Wilaya ya Chake chake Abdalla Rashid Ali alipokuwa akifungua mafunzo ya siku tatu  kwa  wakulima wakuu wa  mazao ya mboga mboga na matunda ikiwemo Tungule,Viazi lishe na matango kutoka mkoa wa kusini Pemba  yalioandaliwa na taasisi hiyo huko katika ukumbi wa Tasaf Chake Chake. Amesema taasisi hiyo imekuwa mstari  wa mbele katika  kusaidia serikali  kuimarisha hali za wananchi ikiwemo kuwekeza katika elimu,kilimo na msaada  wa vyakula lishe   . Mkuu wa wilaya huyo amewataka wakulima hao  kuyafanyia k...
Read more